ଏବିଭି୍ପି ପକ୍ଷରୁ ବିଶାଳ ତ୍ରିରଙ୍ଗା ଶୋଭାଯାତ୍ରା
କଳାହାଣ୍ଡି : ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି )କଳାହାଣ୍ଡି ଜିଲ୍ଲା କେସିଙ୍ଗା ନଗର ତରଫରୁ ଉତ୍କେଲା ଉଚ୍ଚ ମାଧ୍ୟାମିକ ବିଦ୍ୟାଳୟ, ଉତ୍କେଲା ଠାରେ ଏକ ବିଶାଳ ତ୍ରିରଙ୍ଗା ଶୋଭାଯାତ୍ରା ସଫଳତାର ସହ ଅନୁଷ୍ଠିତ ହୋଇଯାଇଛି l ଏଥିରେ ପ୍ରାୟ ୪୫୦ରୁ ଅଧିକ ଛାତ୍ରଛାତ୍ରୀ ସକ୍ରିୟ ଅଂଶଗ୍ରହଣ ଏବଂ ସହଯୋଗ ରେ କାର୍ଯ୍ୟକ୍ରମଟି ସଫଳ ହୋଇ ପାରିଛି l ଏହି କାର୍ଯ୍ୟକ୍ରମ ରେ କେସିଙ୍ଗା ର ବ୍ଲକ ସଂଯୋଜକ ବିଶ୍ୱରଞ୍ଜନ ସିଂହ, ଓଡିଶା ପଶ୍ଚିମ ପ୍ରାନ୍ତ ର ସେବାର୍ଥେ ବିଦ୍ୟାର୍ଥୀ ସହ ସଂଯୋଜକ ରାହୁଲ ପ୍ରଧାନ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଛନ୍ଦା ଚରଣ ବେହେରା, କଳାହାଣ୍ଡି ର ଜିଲ୍ଲା ସଂଯୋଜନା ଭୋଜରାଜ ସାହୁ ଏବଂ ଅନ୍ୟ କାର୍ଯ୍ୟକର୍ତ୍ତା ଉପସ୍ଥିତ ଥିଲେ l ଏହି ତ୍ରିରଙ୍ଗା ଶୋଭାଯାତ୍ରା ଉତ୍କେଲା ଉଚ୍ଚ ମାଧ୍ୟାମିକ ବିଦ୍ୟାଳୟ, ଉତ୍କେଲା ର କ୍ୟାପସ ଠାରୁ ଆରମ୍ଭ କରି ଉତ୍କେଲା ବଙ୍ଗଳା ପଡା ଠାରୁ ପୁଣିଥରେ ବିଦ୍ୟାଳୟ ର କ୍ୟାମ୍ପସ କୁ ଆସିଥିଲେ l ଏହି ଅବସରରେ ଏବିଭିପି ର କାର୍ଯ୍ୟକର୍ତ୍ତା ମାନେ କହିଲେ, ଯେ ତ୍ରିରଙ୍ଗା କେବଳ ଏକ ପତାକା ନୁହେଁ ;ଏହା ଦେଶର କୋଟି କୋଟି ଭାରତୀୟଙ୍କ ଗୌରବ, ସ୍ୱାଭିମାନ, ଓ ଏକତାର ପ୍ରତୀକ l ଦେଶ ପ୍ରେମ ଓ ରାଷ୍ଟ୍ର ସର୍ବୋପରି ର ବିଚାର ଧାରା କୁ ନେଇ ବିଦ୍ୟାର୍ଥୀ ମାନେ ଏହି କାର୍ଯ୍ୟକ୍ରମ କୁ ଆଗକୁ ବଢ଼ାଇଲେ l ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ବହୁତ ଦୀନ ଧରି ଛାତ୍ରହୀତ, ରାଷ୍ଟ୍ର ହିତ ଓ ସାମାଜିକ ହିତ କୁ ପ୍ରାଧାନ୍ୟ ଦେଇ ଦେଶ ବ୍ୟାପି କାର୍ଯ୍ୟ କରି ଆସୁଛି l ଏହି ଐତିହାସିକ ତ୍ରିରଙ୍ଗା ଶୋଭାଯାତ୍ରା ପୁଣିଥରେ ପ୍ରମାଣ କରିଛି ଯେ, ଛାତ୍ରଛାତ୍ରି ଙ୍କ ମଧ୍ୟରେ ଦେଶଭକ୍ତି, ସାମାଜିକ ଦାଇତ୍ୱ ଓ ସକାରାତ୍ମକ ଛାତ୍ର ଆନ୍ଦୋଳନ ପ୍ରତି ଆଗ୍ରହ ବୃଦ୍ଧିପାଉଛି l ବହୁ ସଂଖ୍ୟରେ ଛାତ୍ରଛାତ୍ରୀ ଙ୍କ ଯୋଗଦାନ ଏବିଭିପି ପ୍ରତି ସେମାନଙ୍କ ବିଶ୍ୱାସ ଓ ଆସ୍ଥା ର ପ୍ରତିଫଳନ ବୋଲି ସଂଗଠନ ପକ୍ଷ ରୁ କୁହାଯାଇଛି l ଛାତ୍ର ଶକ୍ତି ହିଁ ରାଷ୍ଟ୍ର ଶକ୍ତି ଏହି ମୂଳମନ୍ତ୍ର କୁ ଆଧାର କରି ଅଖିଳ ଭାରତୀୟ ଵିଦ୍ୟାର୍ଥୀ ପରିଷଦ ଆଗାମୀ ଦିନ ମଧ୍ୟ ରାଷ୍ଟ୍ର ନିର୍ମାଣ ରେ ଯୁବ ଶକ୍ତି ଙ୍କୁ ସଂଗଠିତ କରିବା ସହ ସମାଜ ଓ ଶିକ୍ଷା କ୍ଷେତ୍ର ରେ ବିଭିନ୍ନ ଗଠନମୂଳ କାର୍ଯ୍ୟକ୍ରମ ଜାରି ରଖିବ ବୋଲି ସଂଯୋଜକ ରାହୁଲ ପ୍ରଧାନ ପ୍ରକାଶ କରିଛନ୍ତି।
ଅର୍ଜ୍ଜୁନ ପୋଢ ଙ୍କ ରିପୋର୍ଟ୍
