୬୪ ବାଟାଲିୟନ ସିଆରପିଏଫ୍ କ୍ୟାମ୍ପରେ ରକ୍ଷା ବନ୍ଧନ ପାଳିତ, ଯବାନଙ୍କ ହାତରେ ରାକ୍ଷୀ ବାନ୍ଧିଲେ ଭଉଣୀ
ଭବାନୀପାଟଣା: ଅଟଙ୍ଗଗୁଡ଼ା ସ୍ଥିତ ୬୪ ବାଟାଲିୟନ ସିଆରପିଏଫ୍ କ୍ୟାମ୍ପରେ ପବିତ୍ର ରକ୍ଷା ବନ୍ଧନ ପର୍ବ ପାଳିତ ହୋଇଯାଇଛି। ଭାଇ-ଭଉଣୀଙ୍କ ଅତୁଟ ସ୍ନେହ, ବିଶ୍ୱାସ ଓ ସୁରକ୍ଷାର ପ୍ରତୀକ ଏହି ପବିତ୍ର ପର୍ବ ଅବସରରେ ଛାତ୍ରୀ ଓ ଭଉଣୀମାନେ ସିଆରପିଏଫ୍ ଯବାନଙ୍କ ହାତରେ ରାକ୍ଷୀ ବାନ୍ଧିଥିଲେ।
ଦେଶର ସୁରକ୍ଷା ପାଇଁ ନିଜ ପରିବାରଠାରୁ ଦୂରରେ ରହି କର୍ତ୍ତବ୍ୟରତ ଯବାନଙ୍କୁ ରାକ୍ଷୀ ବାନ୍ଧି ଭଉଣୀମାନେ ସ୍ନେହ, ଭାଇଚାରା ଓ ଆତ୍ମୀୟତାର ନିଆରା ବାର୍ତ୍ତା ଦେଇଥିଲେ। ଏହି ଭାବପୂର୍ଣ୍ଣ ମୁହୂର୍ତ୍ତରେ ଯବାନ ଓ ଭଉଣୀମାନଙ୍କ ମଧ୍ୟରେ ଥିବା ସ୍ନେହର ବନ୍ଧନ ପରିବେଶକୁ ଭାବବିହ୍ୱଳ କରିଥିଲା। ଦେଶର ରକ୍ଷକ ଯବାନଙ୍କ ହାତରେ ରାକ୍ଷୀ ବାନ୍ଧି ଭଉଣୀମାନେ ସେମାନଙ୍କ ଦୀର୍ଘାୟୁ ଓ ସୁରକ୍ଷିତ ଜୀବନ କାମନା କରିଥିଲେ। ଏହି ଅବସରରେ ଭାଇ-ଭଉଣୀଙ୍କ ଅତୁଟ ବନ୍ଧନ ଚିରସ୍ଥାୟୀ ହେଉ ବୋଲି ଶୁଭେଚ୍ଛା ଜଣାଯାଇଥିଲା।
ବିଷ୍ଣୁ ଚରଣ ସ୍ୱାଇଁଙ୍କ ରିପୋର୍ଟ
