ରାଇରଙ୍ଗପୁର ମହାବିଦ୍ୟାଳୟରେ ମାସା ସଂଗଠନ ପକ୍ଷରୁ ସ୍ୱଚ୍ଛ ଭାରତ ଅଭିଯାନ
ରାଇରଙ୍ଗପୁର ୧୧/୯(ନି ପ୍ର )ରାଇରଙ୍ଗପୁର ମହାବିଦ୍ୟାଳୟ ପରିସରକୁ ସ୍ୱଚ୍ଛ ଓ ପରିଷ୍କାର ରଖିବା ଉଦ୍ଦେଶ୍ୟରେ ମାସା ସଂଗଠନ ପକ୍ଷରୁ ଏକ ସ୍ୱଚ୍ଛତା ଅଭିଯାନ ଆୟୋଜନ କରାଯାଇଥିଲା। ସଂଗଠନର ସଦସ୍ୟମାନେ ମହାବିଦ୍ୟାଳୟର ଚାରିପାଖ ଅଞ୍ଚଳରେ ସଫେଇ କାର୍ଯ୍ୟ କରିବା ସହ ଆବର୍ଜନା ସଂଗ୍ରହ କରି ପରିସରକୁ ପରିଷ୍କାର କରିଥିଲେ।
ଏହି ଅବସରରେ ସ୍ୱଚ୍ଛତାର ଗୁରୁତ୍ୱ ଓ ପରିବେଶକୁ ପରିଷ୍କାର ରଖିବା ନେଇ ସଚେତନତା ସୃଷ୍ଟି କରାଯାଇଥିଲା। ମହାବିଦ୍ୟାଳୟ ପରିସରକୁ ସ୍ୱଚ୍ଛ ରଖିବା ସହ ଆଖପାଖ ଅଞ୍ଚଳରେ ସ୍ୱଚ୍ଛତା ବଜାୟ ରଖିବା ପାଇଁ ସମସ୍ତଙ୍କୁ ଆହ୍ୱାନ ଦିଆଯାଇଥିଲା।
ମାସା ସଂଗଠନର ଏହି ପଦକ୍ଷେପକୁ ମହାବିଦ୍ୟାଳୟର ଛାତ୍ରଛାତ୍ରୀ, ଅଧ୍ୟାପକ-ଅଧ୍ୟାପିକା ଓ ସ୍ଥାନୀୟ ଲୋକେ ପ୍ରଶଂସା କରିଥିଲେ। ଏଭଳି ସ୍ୱଚ୍ଛତା ଅଭିଯାନ ଆଗାମୀ ଦିନରେ ମଧ୍ୟ ଜାରି ରହିବ ବୋଲି ସଂଗଠନ ପକ୍ଷରୁ କୁହାଯାଇଛି।
ରାଇରଙ୍ଗପୁର ରୁ ଅକ୍ଷୟ ବିଶ୍ବାଳ
