୮୧ବର୍ଷ ବୟସ୍କ ‘ଅନାଦି’ଙ୍କୁ ମିଳୁଛି ୧ହଜାର ଟଙ୍କା
ମୟୁରଭଞ ଜିଲ୍ଲର ବ୍ଲକ, ଶିଳାଘାଟି ପଞ୍ଚାୟଦ ଅନ୍ତର୍ଗତ ହୁଡ଼ିସାହି ଗ୍ରାମର ବାସିନ୍ଦା ସ୍ୱର୍ଗତଃ ନୀଳ ନାଏକଙ୍କ ପୁତ୍ର ଅନାଦି ନାଏକ ଚଳିତ ବର୍ଷ ୮୧ ବର୍ଷ ବୟସରେ ପଦାର୍ପଣ କଲେ । ଆଧାର କାର୍ଡ଼ରେ ଉଲ୍ଲେଖ ଥିବା ଜନ୍ମତାରିଖ ଅନୁସାରେ ତାଙ୍କୁ ୮୧ବର୍ଷ ବୟସ ଛୁଇଁଥିବାର ଜଣାଯାଇଛି । ଏ ବାବଦରେ ଅନାଦି ନାଏକଙ୍କୁ ପଚାରିବାରୁ ସେ କହିଲେ, ବର୍ତମାନ ତାଙ୍କର ବୟସ ୮୫ ବର୍ଷରୁ ଉର୍ଦ୍ଧ ହେବ । କିନ୍ତୁ ଆଧାର ଓ ଭୋଟ ପରିଚୟପତ୍ର ସବୁକିଛିରେ ବୟସ କମ୍ ଦର୍ଶାଯାଇଛି ଓ ମାସିକ ୧ହଜାର ଟଙ୍କା ଭତା ମିଳୁଛି । ୮୦ବର୍ଷ ବୟସରୁ ଉର୍ଦ୍ଧ ବ୍ୟକ୍ତିଙ୍କୁ ମାସିକ ୩ହଜାର ୫୦୦ ଟଙ୍କା ଭତା ପ୍ରଦାନ କରାଯାଉଛି ବୋଲି ସରକାର ଘୋଷଣା କରିଛନ୍ତି । ସରକାରୀ କାଗଜପତ୍ରରେ ଅନାଦିଙ୍କୁ ବୟସ ୮୧ବର୍ଷ ଛୁଇଁଯାଇଥିଲେ ମଧ୍ୟ ସେ ୩ହଜାର ୫୦୦ଟଙ୍କା ଭତା କାହିଁକି ପାଉ ନାହାଁନ୍ତି ବୋଲି ଅନେକ ପ୍ରଶ୍ନ ଉଠାଇଛନ୍ତି । ଏ ବାବଦରେ ପଂଚାୟତ କାର୍ଯ୍ୟାଳୟ ଓ ବ୍ଲକ କାର୍ଯ୍ୟାଳୟର ଦ୍ୱାରସ୍ଥ ହୋଇ ବାରମ୍ବାର ଗୁହାରି ଜଣାଇଥିଲେ ମଧ୍ୟ କେହି ଶୁଣୁନଥିବାର ଅନାଦି ଅଭିଯୋଗ କରିଛନ୍ତି । ସେହିପରି ଆବାସ ଯୋଜନାରେ ଘରଟିଏ ଯୋଗାଇ ଦେବାକୁ ସେ ଗୁହାରି ଜଣାଇଛନ୍ତି । ବିଭାଗୀୟ କର୍ତୃପକ୍ଷ ଏ ବାବଦରେ ତୁରନ୍ତ ଆବଶ୍ୟକ ପଦକ୍ଷେପ ନେବାକୁ ସ୍ୱେଛାସେବି ମାନେ ଅନୁରୋଧ ଜଣାଇଛନ୍ତି ।
ରାଇରଙ୍ଗପୁର ରୁ ଅକ୍ଷୟ ବିଶ୍ବାଳ
