ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
ରାଜନୀତି

ବିଜେଡିକୁ ଝଟକା! : ଦଳର ପ୍ରାଥମିକ ସଦସ୍ୟତା ଓ ପଦବୀରୁ ଇସ୍ତଫା ଦେଲେ ଦୁଇ ଯୁବନେତା

ବିଜେଡିକୁ ଝଟକା! : ଦଳର ପ୍ରାଥମିକ ସଦସ୍ୟତା ଓ ପଦବୀରୁ ଇସ୍ତଫା ଦେଲେ ଦୁଇ ଯୁବନେତା

ବାଲିଗୁଡ଼ା : ୨୨/୧୧: (ମନିସ): କନ୍ଧମାଳ ଜିଲ୍ଲାରେ ବିଜୁ ଜନତା ଦଳ (ବିଜେଡି)ର ସାଂଗଠନିକ ମହଲରେ ଚର୍ଚ୍ଚା ସୃଷ୍ଟି କରିଛି ଦୁଇ ଯୁବନେତାଙ୍କ ଇସ୍ତଫା। ଦଳର ପ୍ରାଥମିକ ସଦସ୍ୟତା ସହ ନିଜ ନିଜ ସାଂଗଠନିକ ପଦବୀରୁ ଇସ୍ତଫା ଦେଇଛନ୍ତି ବାଲିଗୁଡ଼ା ନଗରର ଦୁଇ ଯୁବନେତା। ସେମାନେ ହେଲେ ବାଲିଗୁଡ଼ା ବିଜ୍ଞପିତ ଅଞ୍ଚଳ ପରିଷଦର ନଗର ଯୁବ କାର୍ଯ୍ୟକାରୀ ସଭାପତି ସୁବ୍ରତ କୁମାର ପ୍ରଧାନୀ ଏବଂ ନଗର କାର୍ଯ୍ୟକାରୀ ସଭାପତି ମାନସ ରଞ୍ଜନ ଅମାୟତ। ଉଭୟ ନେତା କନ୍ଧମାଳ ଜିଲ୍ଲା ବିଜେଡି ସଭାପତିଙ୍କ ଜରିଆରେ ଦଳର ରାଜ୍ୟ ସଭାପତିଙ୍କ ଉଦ୍ଦେଶ୍ୟରେ ନିଜ ନିଜର ଲିଖିତ ଇସ୍ତଫାପତ୍ର ପ୍ରେରଣ କରିଛନ୍ତି। ଦୀର୍ଘଦିନ ଧରି ଦଳର ସକ୍ରିୟ କର୍ମୀ ଭାବେ ସାଂଗଠନିକ କାର୍ଯ୍ୟକ୍ରମ ଓ ଦଳୀୟ କାର୍ଯ୍ୟଧାରାରେ ସାମିଲ ରହିବା ପରେ ଏଭଳି ନିଷ୍ପତ୍ତି ନେବାକୁ ନେଇ ସ୍ଥାନୀୟ ରାଜନୈତିକ ମହଲରେ ଆଲୋଚନା ଆରମ୍ଭ ହୋଇଛି। ସୁବ୍ରତ କୁମାର ପ୍ରଧାନୀ ନିଜ ଇସ୍ତଫାପତ୍ରରେ ଉଲ୍ଲେଖ କରିଛନ୍ତି ଯେ, ସେ ଦୀର୍ଘଦିନ ଧରି ବିଜୁ ଜନତା ଦଳର ଜଣେ ସକ୍ରିୟ କର୍ମୀ ଭାବେ ରହିବା ସହ ଦଳର ବିଭିନ୍ନ ସାଂଗଠନିକ କାର୍ଯ୍ୟରେ ନିଜର ଯୋଗଦାନ ଦେଇଆସୁଥିଲେ। ଗତ ଅକ୍ଟୋବର ମାସ ଶେଷ ସପ୍ତାହରେ ତାଙ୍କୁ ବାଲିଗୁଡ଼ା ଏନ୍‌ଏସିର ନଗର ଯୁବ କାର୍ଯ୍ୟକାରୀ ସଭାପତି ଭାବେ ନୂତନ ଦାୟିତ୍ୱ ମଧ୍ୟ ପ୍ରଦାନ କରାଯାଇ ଥିଲା। ତେବେ ବର୍ତ୍ତମାନର ସାଂଗଠନିକ ପରିସ୍ଥିତି ଓ ନିଜସ୍ୱ ରାଜନୈତିକ ବିଚାରଧାରାକୁ ଦୃଷ୍ଟିରେ ରଖି ସେ ଆଗକୁ ଦଳରେ ନିଜର ସକ୍ରିୟ ରାଜନୈତିକ ଯାତ୍ରା ଜାରି ରଖିବାକୁ ଇଚ୍ଛୁକ ନଥିବା ଦର୍ଶାଇଛନ୍ତି। ଏଣୁ ବିଚାରବିମର୍ଶ କରି ସେ ଦଳର ପ୍ରାଥମିକ ସଦସ୍ୟତା ସହ ନିଜ ପଦବୀରୁ ସ୍ୱେଚ୍ଛାକୃତ ଭାବେ ଇସ୍ତଫା ଦେଇଥିବା ଜଣାଇଛନ୍ତି। ସେହିପରି ନଗର କାର୍ଯ୍ୟକାରୀ ସଭାପତି ମାନସ ରଞ୍ଜନ ଅମାୟତ ମଧ୍ୟ ସମାନ କାରଣ ଦର୍ଶାଇ ନିଜ ପଦବୀ ସହ ବିଜେଡିର ପ୍ରାଥମିକ ସଦସ୍ୟତାରୁ ଇସ୍ତଫା ପ୍ରଦାନ କରିଛନ୍ତି। ଉଭୟ ନେତା ନିଜ ନିଷ୍ପତ୍ତି ସମ୍ପର୍କରେ ଦଳୀୟ ନେତୃତ୍ୱଙ୍କୁ ଅବଗତ କରାଇବା ସହ ଇସ୍ତଫାପତ୍ର ଗ୍ରହଣ କରି ସାଂଗଠନିକ ଦାୟିତ୍ୱ ଓ ସଦସ୍ୟତାରୁ ମୁକ୍ତ କରିବାକୁ ଅନୁରୋଧ କରିଛନ୍ତି। ତେବେ ଏକାସାଙ୍ଗରେ ନଗର ସ୍ତରର ଦୁଇ ଜଣ ଦାୟିତ୍ୱସମ୍ପନ୍ନ ଯୁବନେତାଙ୍କ ଇସ୍ତଫା ବାଲିଗୁଡ଼ା ବିଜେଡିର ସାଂଗଠନିକ ସ୍ଥିତିକୁ ନେଇ ବିଭିନ୍ନ ପ୍ରଶ୍ନ ସୃଷ୍ଟି କରିଛି। ଆଗକୁ ଏହି ଇସ୍ତଫାକୁ ନେଇ ଦଳୀୟ ନେତୃତ୍ୱ କି ପଦକ୍ଷେପ ଗ୍ରହଣ କରୁଛନ୍ତି ଏବଂ ବାଲିଗୁଡ଼ାରେ ଦଳର ସାଂଗଠନିକ ସମୀକରଣ କିଭଳି ରହୁଛି, ତାହା ଉପରେ ଏବେ ରାଜନୈତିକ ମହଲର ନଜର ରହିଛି।

ରିପୋର୍ଟ:-ସଞ୍ଜୟ କୁମାର ପାଣିଗ୍ରାହୀ

Related posts

ଵହଳଦା ବ୍ଳକ ବିଜେପି ତରଫରୁ ବିଶାଳ ତ୍ରିରଙ୍ଗା ଯାତ୍ରା ପରିକ୍ରମା

Sunil Chandra Nayak

ପ୍ରକାଶ ପାଇଲା କବିତା ପ୍ରତିଯୋଗିତାର ଫଳାଫଳ

masiha

ରାଉରକେଲା ବିଧାନସଭାର ପୁନର୍ବାର ବିଜେଡିପ୍ରାର୍ଥୀ ଘୋଷଣା ପରେ ରାଉରକେଲରେ ସାରଦାଙ୍କୁ ବିପୁଳ ସ୍ଵାଗତ ସମ୍ବର୍ଧନା 

masiha

Leave a Comment

error: Content is protected !!