ନିରାଶ ହେଲା କଳାହାଣ୍ଡି,
ନିରାଶ ହେଲେ ଅନୁସୂଚିତ ଜାତି
ଲାଞ୍ଜିଗଡ଼,୨୯/୦୫(ମନିସ)-ସମସ୍ତ କଳ୍ପନା ଜଳ୍ପନାର ଅନ୍ତ ଘଟାଇ ବିଜେଡି ପକ୍ଷରୁ ଆଜି ଚାରିଜଣ ରାଜ୍ୟସଭା ପ୍ରାର୍ଥୀଙ୍କ ନାମ ଘୋଷଣା କରାଯାଇଛି ! ସୁଲତା ଦେଓ, ମାନସରଞ୍ଜନ ମଙ୍ଗରାଜ ଓ ନିରଞ୍ଜନ ବିଶିଙ୍କ ନାମରେ ଦଳ ମୋହର ମାରିଥିବାବେଳେ ଡ. ସସ୍ମିତ ପାତ୍ରଙ୍କୁ ପୁଣି ଥରେ ରାଜ୍ୟସଭାକୁ ପଠାଇବାକୁ ନିଷ୍ପତ୍ତି ନେଇଛି ! ଦଳ ପକ୍ଷରୁ ଏଇ ଘୋଷଣା ପରେ ଏବେ ଦଳୀୟ ମହଲରେ ଅସନ୍ତୋଷ ବଢ଼ିବା ଏକ ପ୍ରକାର ନିଶ୍ଚିତ ହୋଇଯାଇଛି ! ଦଳର ଏକକ ସଂଖ୍ୟାଗରିଷ୍ଠତା ଦ୍ରୁଷ୍ଟିରୁ ଏଥର ଚାରିଜଣ ଯାକ ପ୍ରାର୍ଥୀ ବିଜୟୀ ହେବା ସମ୍ଭାବନା ରହିଛି ! ତେବେ ଗତ ପଞ୍ଚାୟତ ନିର୍ବାଚନରେ ପଛୁଆ ବର୍ଗ ଓ ଆଦିବାସୀ ବର୍ଗଙ୍କ ସଂରକ୍ଷଣ ହ୍ରାସ ପାଇବା ପରେ ବିଜେଡି ପକ୍ଷରୁ ଉଭୟ ବର୍ଗଙ୍କୁ ସନ୍ତୁଷ୍ଟ କରିବାକୁ ଜିଲ୍ଲା ପରିଷଦ, ବ୍ଲକ ଅଧ୍ୟକ୍ଷ, ପୌର ପରିଷଦ, ବିଜ୍ଞାପିତ ଅଞ୍ଚଳ ପରିଷଦ, ମହାନଗର ନିଗମରେ ଥଇଥାନ କରାଯାଇଛି ! ତେବେ ରାଜ୍ୟର ବ୍ରୁହତ୍ତର ଜନଗୋଷ୍ଠୀ ଅନୁସୂଚିତ ଜାତି ଶାସକ ଦଳ ପକ୍ଷରୁ ଦୀର୍ଘ ଦିନ ଧରି ଅବହେଳିତ ହୋଇଆସିଛି ! ଗତ ପଞ୍ଚାୟତ ନିର୍ବାଚନ ହେଉ କିମ୍ବା ସାଧାରଣ ନିର୍ବାଚନ ହେଉ ଦୀର୍ଘ ୨୨ ବର୍ଷ ଧରି ରାଜ୍ୟରେ ଅନୁସୂଚିତ ଜାତି ପ୍ରତି ଦଳ ବାରମ୍ବାର ଅଣଦେଖା କରିଆସିଛି ! ଆଜି ରାଜ୍ୟସଭା ସଦସ୍ୟ ପାଇଁ ଅନୁସୂଚିତ ଜାତିର ସଂଖ୍ୟାଧିକ ଦାବିଦାର ଥିବା ସତ୍ତ୍ବେ ଏଇ ଜାତିର କୌଣସି ବ୍ୟକ୍ତିଙ୍କୁ ଦଳ ପ୍ରାର୍ଥୀ କରିନାହିଁ ! ବାରମ୍ବାର ଏପରି କରିବା ଦ୍ବାରା ରାଜ୍ୟ କିମ୍ବା ଜାତୀୟ ସ୍ତରରେ ଏଇ ଜାତିର ପ୍ରତିନିଧିତ୍ବ ସ୍ରୁଷ୍ଟି ହୋଇପାରୁନାହିଁ ! ଯେଉଁ ସଂଖ୍ୟାଧିକ ଜାତିର ଲୋକେ ବିଜେଡିର ଏକ ବ୍ରୁହତ୍ତ ଭୋଟବ୍ୟାଙ୍କ ଭାବେ ଦୀର୍ଘ ବର୍ଷ ଧରି ବିଜେଡିକୁ ଶାସନ କ୍ଷମତାରେ ବସାଇ ଆସିଛନ୍ତି କିନ୍ତୁ ସେଇ ଅନୁସୂଚିତ ବର୍ଗଙ୍କୁ ସୁଯୋଗ ନଦେବା ଫଳରେ ଏଇ ଜାତିର ଲୋକେ ନିରାଶ ହୋଇ ପଡ଼ିଛନ୍ତି ! ଶାସକ ବିଜେଡି ଯଦି ଏଇ ସଂଖ୍ୟାଧିକ ବର୍ଗଙ୍କୁ ବାରମ୍ବାର ଅଣଦେଖା କରେ ତେବେ ଆଗାମୀ ଦିନରେ ଏହା ଦଳ ପାଇଁ କ୍ଷତିକାରକ ସାବ୍ୟସ୍ତ ହୋଇପାରେ ବୋଲି ଆଲୋଚନା ହେଉଛି ! ସେହିପରି କଳାହାଣ୍ଡି ଜିଲ୍ଲାରେ ଶାସକ ବିଜେଡି ପକ୍ଷରୁ ଆଶାୟୀ ଭାବେ ଜିଲ୍ଲା ସଭାପତି ପୁଷ୍ପେନ୍ଦ୍ର ସିଂହଦେଓ, ପୂର୍ବତନ ମନ୍ତ୍ରୀ ବଳଭଦ୍ର ମାଝୀ, ରାଜ୍ୟ ପରିଷଦ ସଦସ୍ୟ ଭବାନୀଶଙ୍କର ନିଆଲ ପ୍ରମୁଖ ଥିବାବେଳେ ଦଳର ନିଷ୍ପତ୍ତି ସମସ୍ତଙ୍କୁ ନିରାଶ କରିଛି ! ଦଳର ଏଭଳି ନିଷ୍ପତ୍ତି ଆଗାମୀ ଦିନରେ ଜିଲ୍ଲା ବିଜେଡି ପାଇଁ ବୁମେରାଂ ହୋଇପାରେ ବୋଲି ଆଲୋଚନା ହେଉଛି ! ସୁଶୀଲ କୁମାର ବାଗ ଙ୍କ ରିପୋର୍ଟ ।