କୋକସରା,୨/୦୬ -( ମ ନି ସ ) କେନ୍ଦ୍ରୀୟ ବିଶ୍ୱବିଦ୍ୟାଳୟ ହରିୟାଣା ରେ ଆୟୋଜିତ ୟୁଥ୍ ପାର୍ଲିଆମେଣ୍ଟ ୨୦୨୨ ରେ ଓଡିଆ ପୁଅଙ୍କ କମାଲ। ସଂସଦୀୟ ମନ୍ତ୍ରଣାଳୟ ପକ୍ଷରୁ ଆୟୋଜିତ ୟୁଥ୍ ପାର୍ଲିଆମେଣ୍ଟ ୨୦୨୨ରେ ଓଡିଆ ପୁଅ ନାରାୟଣ ଚୌଧୂରୀ କୃଷି ଏବଂ କୃଷକ କଲ୍ୟାଣ ମନ୍ତ୍ରଣାଳୟ ର ମନ୍ତ୍ରୀ ଭାବେ ଚୟନ ହେଇଥିଲେ ଏବଂ ପ୍ରତିଯୋଗିତାରେ ପୁରସ୍କାର ଲାଭ କରିବା ସହ ଆଗାମୀ ଦିନରେ ସଂସଦୀୟ ଭବନ ଦିଲ୍ଲୀ ରେ ହେବାକୁ ଥିବା ରାଷ୍ଟ୍ର ସ୍ତରୀୟ ୟୁଥ୍ ପାର୍ଲିଆମେଣ୍ଟ ରେ ମଧ୍ୟ ଚୟନ ହେଇଛନ୍ତି। ହରିୟାଣା ରାଜ୍ୟର ୬ ଜଣଙ୍କ ଚୟନ ହୋଇଥିବା ମଧ୍ୟରେ ଓଡ଼ିଆ ପୁଅ ନାରାୟଣ ଚୌଧୁରୀ ଅନ୍ୟତମ। ନାରାୟଣ ଚୌଧୁରୀ କେନ୍ଦ୍ରୀୟ ବିଶ୍ୱବିଦ୍ୟାଳୟ ହରିୟାଣା ରେ ପତ୍ରକାରିତା ଏବଂ ଜନସଂଚାର ବିଭାଗରେ ସ୍ନାତକ କରୁଛନ୍ତି।ସେ ଓଡ଼ିଶା ରାଜ୍ୟ କଳାହାଣ୍ଡି ଜିଲ୍ଲା କୋକସରା ବ୍ଲକ ମାଝିଗୁଡା ପଞ୍ଚାୟତ ଦାବ୍ରି ଗୁଡା ଗ୍ରାମର ବିଷ୍ଣୁ ଚୌଧୁରୀ ଓ ପ୍ରେମ ମଞ୍ଜରୀ ସାହୁ ଙ୍କ ସାନପୁଅ ଅଟନ୍ତି ।ସେ ନିଜ ଗାଁ ଦାବ୍ରି ଗୁଡା ସରକାରୀ ବିଦ୍ୟାଳୟ ରେ ପ୍ରଥମ ରୁ ଷଷ୍ଠ ଶ୍ରଣୀ ଯାଏଁ ପାଠ ପଢିବା ପରେ ୭ ମ ଶ୍ରେଣୀ ନିଜ ମାମୁଁ ଘର ଗାଁ ଦାସୀଗାଁ ରେ ପଢିଥିଲେ । ୮ ମ ରୁ ୧୦ ଜୟପାଟଣା ବ୍ଲକ ରେଙ୍ଗାଲପାଲି ପରମାନନ୍ଦ ଉଚ୍ଚ ବିଦ୍ୟାଳୟ ଓ +୨ କୋକସରା କଲେଜ୍ ଓ ୩+ ବିଜ୍ଞାନ ରେ ସରକାରୀ ଡି ଏ ଭି କଲେଜ୍ କୋରାପୁଟ ରେ ଅଧ୍ୟୟନ ପରେ ପି ଜି ପାଠ ପାଇଁ ହରିୟଣା କେନ୍ଦ୍ରୀୟ ବିଶ୍ୱବିଦ୍ୟାଳୟ ରେ ଅଧ୍ୟୟନ କରୁଛନ୍ତି। ଛୋଟ ବେଳୁ ହିଁ ସେ ମେଧାବୀ ଛାତ୍ର ଥିଲେ । ବକୃତା, ଅଭିନୟ ପରି ବିଭିନ୍ନ ପ୍ରତିଯୋଗିତା ସେ ପ୍ରଥମ ସ୍ଥାନ ଅଧିକାର କରିଆସିଛନ୍ତି। ପୂର୍ବ ରୁ ବ୍ରହ୍ମପୁର ବିଶ୍ଵବିଦ୍ୟାଳୟ ରେ କୁଳପତି ସମ୍ମାନ ମଧ୍ୟ ପାଇଛନ୍ତି। ସଂସଦୀୟ ମନ୍ତ୍ରଣାଳୟ ପକ୍ଷରୁ ଆୟୋଜିତ ୟୁଥ୍ ପାର୍ଲିଆମେଣ୍ଟ ୨୦୨୨ରେ ଓଡିଆ ପୁଅ ନାରାୟଣ ଚୌଧୂରୀ କୃଷି ଏବଂ କୃଷକ କଲ୍ୟାଣ ମନ୍ତ୍ରଣାଳୟ ର ମନ୍ତ୍ରୀ ଭାବେ ଚୟନ ହେଇଥିଲେ। ଏବଂ ପ୍ରତିଯୋଗିତାରେ ପୁରସ୍କାର ଲାଭ କରିବା ସହ ଆଗାମୀ ଦିନରେ ସଂସଦୀୟ ଭବନ ଦିଲ୍ଲୀ ରେ ହେବାକୁ ଥିବା ରାଷ୍ଟ୍ରୀୟ ସ୍ତରୀୟ ୟୁଥ୍ ପାର୍ଲିଆମେଣ୍ଟ ରେ ମଧ୍ୟ ଚୟନ ହେଇଛନ୍ତି। ଖବର ପ୍ରସାରିତ ହେବା ପରେ ପରିବାର, ସମ୍ପର୍କୀୟ ତଥା ଅଞ୍ଚଳରେ ଖୁସିର ଲହରୀ ଖେଳିଯାଇଛି।
next post