ଅଜବ ଗଜବ
ନିରୁପମା ପାଣି
ବାପାର ଘରରେ ପୁଅଟା ମାଲିକ
ପୁଅ ଘରେ ବାପା କୁକୁର
କଥାକହିବାର ନାହିଁ ଅଧୀକାର
କଟୁଭାଷା ପ୍ରାପ୍ୟ ତାର!!
ମାଆ ପଣତରେ ପୁଅ ଝାଡାକରେ
ଶୁ ଶୁ କରେ ଭାତ ଥାଳିରେ
ରାଗେନାହିଁ ମାଆ ଗାଳିଦିଏ ନାହିଁ
ହସି ସଫା ସବୁ କରେ!!
ପୁଅ ଘରେ ବୋହୁ ଏକାଅଂଶୀଦାର
ଆଜିକା ଦୁନିଆ ରୀତି
କଥାଶୁଣି ଶୁଣି ମନ ମରିଯାଏ
ଦୁଃଖେ ଫାଟିଯାଏ ଛାତି!!
କେମିତି ଗଢିଛି ବିହିସଂସାରକୁ
ଅଜବ ଗଜବ କରି
କାଲି ଯିଏ ଥିଲା ଘରର ମାଲିକ
ଆଜି କାନ୍ଦେ ଆଖି ମଳି!!
ଦିନେତ ସମୟ ଦେବ ଦେଖେଇ
ରହିବନି ଅହଂକାର
ଖସିବ ବରଡା ଆଗପଛ ହୋଇ
ଆଖି ଲୁହ ହେବ ସାର!!
ନିଜକଥା ଯଦି ବାପା ମା ବୁଝନ୍ତେ
ପୁଅ ର ସ୍ୱାର୍ଥ ନଦେଖି
ଶେଷ ସମୟରେ ଭଲରେ ରହନ୍ତେ
ବୋହୁ ଦେଖାନ୍ତାନି ଆଖି!!
ଚାନ୍ଦବାଲି
ଭଦ୍ରକ୍
