ମଲା ଜହ୍ନ
ଅଵିନାଶ ମହାପାତ୍ର
ଫେରି ଚାହଁ ଥରେ ପଛକୁ ଗୋ ପ୍ରିୟା
ଯାଅ ନାହିଁ ଛାଡି ଚାଲି
ମଧୁର ମିଳିନ ସମୟ ଆସିଛି
ଆଉକି ମିଳିବ କାଲି।(୦)
ଥର ଥର ହୋଇ କଂପୁଛି ମୋ ଛାତି
ବଢ଼ାଇ ହୃଦ ସ୍ପନ୍ଦନ
ପହିଲି ଦେଖାରେ ପ୍ରଥମ ମିଳନ
ମନଟା ହୁଏ ଉଚ୍ଛନ୍ନ।(୧)
ପାଦ ଟଳ ମଳ ଗମ ଗମ ଝାଳ
ପାଟି ଓଠ ଯାଏ ଶୁଖି
ଦୂରରେ ରୁହନା ଆଗୋ ପ୍ରିୟତମା
ପାଖରେ ଯାଅ ମୋ ଲାଖି।(୨)
ଖୋଲି ଦିଅ ତୁମ ପାଦର ପାଉଁଜି
ଶବଦ ଶୁଭିବ କାଳେ
ଧିରେ ଧିରେ ପାଦ ଚାପି ଚାଲିଆସ
ହେଳା କରନାହିଁ ତିଳେ।(୩)
ଆଉ ପାଦେ ଆସି ଲାଗିଯାଅ ପାଶେ
ଛନ୍ଦ ଗୋ ବାହୁ ଵନ୍ଧନେ
ପ୍ରଥମ ଛୁଆଁର ପ୍ରଥମ ପରଶ
ଗୁଞ୍ଜରି ଯାଉ ସ୍ପନ୍ଦନେ।(୪)
ପିଇ ବାକୁ ଦିଅ ମନଭରି ତୁମ
ଓଠର ମଧୁପ ଯେତେ
ମାଗି ନିଅ ସବୁ ତୁମ ଅଧିକାର
ପାଖରେ ପାଇଛ ମୋତେ।(୫)
ହଜି ଯାଉ ତୁମ କାନର ଝୁମୁକା
ଖୋଲି ଯାଉ ଗଭା ବେଣୀ
କଥା ମୁଁ ଦେଉଛି ଦେହ ଛୁଇଁ ତୁମ
ହୀରା ମୋତି ଦେବି ଆଣି।(୬)
ବୟାଂଗଡିହି, ଧାମନଗର, ଭଦ୍ରକ,