ଜଣାଣ
ମାନଗୋବିନ୍ଦ ସ୍ବାଇଁ
ଭଙ୍ଗା ଚାଳଘର ଆସ ଜଗନ୍ନାଥ
ଗରିବ ଦେଖ ବ୍ୟବସ୍ଥା
ଘରେ ଦିନ ରାତି ଚନ୍ଦ୍ର ସୂର୍ଯ୍ୟ ଯାତ
ଆକାଶ ଯାହାର ଛତା।
ପବନ ଜଣାଣ ପବନ ଆହାର
ଦିନ ଛଡ଼ା ଦିନ ଅଧ୍ୟେ
ଦୀନ ଦୁଃଖୀକାନ୍ଦେ ଭଙ୍ଗା ଚାଳଘରେ
ଖାଦ୍ୟ ବିନା ଶୁଏ ନିଦେ।
ଘାସର ବିଛଣା କୋମଳ ପବନ
ଗଗନ ଝଲକ ବତୀ
ବିଶ୍ରାମ ନିଅଇ ହରିରାମ କହି
ଘୁଙ୍ଗୁଡ଼ି ମାରଇ ଶାନ୍ତି।
ଶିଶିର କାକର ମୁଖକୁ ପଖାଳେ
ଦର୍ଶନ ପ୍ରଭୁ ଜୁହାର
ସକାଳ ପ୍ରାର୍ଥନା ମଙ୍ଗଳ କାମନା
ତୁମେ ପ୍ରଭୁ ମୋ ଈଶ୍ୱର।
ଆଜି ଦିନ ଯାକ ତୁମରି କାମରେ
ଏ ଜୀବନ ଯାଉ ବିତି
ସକଳ ଜୀବନ ସଫଳ କାମନା
ଏହା ମୁଁ କରୁଛି ସ୍ତୁତି।
ଆସିଥିଲ ପ୍ରଭୁ ଭଙ୍ଗା ମୋ କୁଡ଼ିଆ
ଜାଣ ଦୀନ ଦୁଃଖି ଦୁଃଖ
ଜୀବନ ବିତୁଛି ଦୁଃଖରେ ସଂସାର
କେବେ ତାକୁ ଦେବ ସୁଖ
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
