ବାଲେଶ୍ବର,୨୧/୬/୨୨- ଆନ୍ତର୍ଜାତିକ ଯୋଗ ଦିବସ ବାଲେଶ୍ବର ଜିଲ୍ଲାର ବିଭିନ୍ନ ସ୍ଥାନରେ ପାଳିତ ହୋଇଯାଇଛି । ଏହି ଅବସରରେ ଖଇରା ବ୍ଲକର ଖଇରା କଲେଜ ଓ କୁପାରୀ ଅମ୍ବିକା ମନ୍ଦିର ପରିସରରେ ଅନୁଷ୍ଠିତ ହୋଇଛି । କଲେଜ ପରିସରରେ ସଭାପତି ଅରୁଣ କୁମାର ପାଢୀଙ୍କ ସଭାପତିତ୍ବରେ ଅନୁଷ୍ଠିତ 
ସଭାରେ ଯୋଗ ଶିକ୍ଷକ ମୁକ୍ତିକାନ୍ଥ ପାଣିଗ୍ରାହୀ ଓ ପ୍ରାଧ୍ୟାପକ ଉମେଶ ଚନ୍ଦ୍ର ନାୟକ, ଅଧ୍ଯାପକ ପ୍ରଦୀପ କୁମାର ପାଣି ପ୍ରମୁଖ ଯୋଗଦେଇ ଯୋଗ ଶିକ୍ଷା ଦେବା ସହିତ ଆନ୍ତର୍ଜାତିକ ଯୋଗ ଦିବସ ଉପରେ ବକ୍ତବ୍ୟ ରଖିଥିଲେ । ଏଥିରେ କଲେଜର ଛାତ୍ରଛାତ୍ରୀ ମାନେ ଯୋଗ ଗୁରୁଙ୍କ ଠାରୁ ଯୋଗ ଶିକ୍ଷା ଗ୍ରହଣ କରିଥିଲେ । 
ଉକ୍ତ କାର୍ଯ୍ୟକ୍ରମ ପରିଚାଳନାରେ ପ୍ରାଧ୍ୟାପକ ହରିହର ପାଣିଗ୍ରାହୀ, ନିରଞ୍ଜନ ପଣ୍ଡା, ଅଧ୍ଯାପିକା ଉଷାବତୀ ନାୟକ, ମହେଶ୍ବର ସାହୁ, ବିମନ ବାରିକ ପ୍ରମୁଖ ପୂର୍ଣ୍ଣସହଯୋଗ କରିଥିଲେ । ସେହିପରି କୁପାରୀ ଅମ୍ବିକା ମନ୍ଦିର ପରିସରରେ ବିଭିନ୍ନ ଅତିଥି ମାନଙ୍କ ଯୋଗଦାନରେ ଆନ୍ତର୍ଜାତିକ ଯୋଗ ଦିବସ ମହାଆଡମ୍ଡର ସହକାରେ ପାଳିତ ହୋଇଯାଇଛି ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
