ପବିତ୍ର ରଥଯାତ୍ରା
ହୋଇଅଛି ସଜ ରଥ ପଥ ଆଜ
ଜାଗାକୁ ନେବେ ବୁଲାଇ
ଗଜପତି ରାଜ ଝାଡୁ ଧରି ସଜ
ଛେରା ପହଁରା ର ପାଇଁ।।
ଭକତ ଙ୍କ ସୁଅ ବଡ଼ଦାଣ୍ଡ ମୁହଁ
ଦେଖିବେ କଳା ଗୋସାଇଁ
ଆତ୍ମା ପରମାତ୍ମା ଭେଟ ହେବା ସହ
ପାତକ ଯିବ ଦୂରେଇ।।
ସୁଭିଲାଣି ଘଣ୍ଟ କାହାଳୀ ନିର୍ଘଣ୍ଟ
ପଣ୍ଡା ମାନଙ୍କର ରଡ଼ି
ଭାଇ ଭଗ୍ନୀ ସହ ପହଣ୍ଡି ସମୟ
ଯିବେ ଶ୍ରୀ ମନ୍ଦିର ଛାଡ଼ି।।
ମାଉସୀ ମନ୍ଦିର ଦିଶଇ ସୁନ୍ଦର
ନେବକି ସତେ କୋଳେଇ
ଜଗତ ଜନକୁ ଦର୍ଶନ ଦେବାକୁ
ପ୍ରସ୍ତୁତ କଲା ଗୋସାଇଁ।।
ବଡ଼ ଦାଣ୍ଡ ଧୂଳି ଆନନ୍ଦେ ଉଛୁଳି
ପବିତ୍ର ହୋଇବ ଧନ୍ୟ
ନାହିଁ ଧର୍ମ ଭେଦ ମନରେ ବିଷାଦ
ରୁଣ୍ଢ ଲକ୍ଷ ଲକ୍ଷ ଜନ ।।
କବି ରାମଚନ୍ଦ୍ର ମହାନ୍ତି
