ମ, ରାମପୁର,୦୨/୦୭( ମସୀହା) : ମ. ରାମପୁରରେ ଜଗତର ନାଥ ଜଗନ୍ନାଥ ଙ୍କ ଘୋଷ ଯାତ୍ରା ଅନୁଷ୍ଠିତ ହୋଇଛି l ଅପରାହ୍ନ ସମୟରେ ନୀତି କାନ୍ତି ଓ ପୂଜାପାଠ ପରେ ସ୍ଥାନୀୟ ରାଜ ପରିବାର ତରଫରୁ ହିରେନ୍ଦ୍ର ପ୍ରତାପ ସିଂହ ଦେଓ ଛେରା ପହଁରା କରିବା ପରେ 
ତିନି ଦିଅଁଙ୍କୁ ପହଣ୍ଡି ବିଜେ କରି ରଥାରୁଢ଼ କରାଯାଇଥିଲା ଏବଂ ରଥ ଟଣା ଆରମ୍ଭ କରାଯାଇଥିଲା l ମନ୍ଦିର ପୂଜକ ଅଶୋକ ତ୍ରିପାଠୀ ନୀତି କାନ୍ତି ଓ ପୂଜାପାଠ କରିଥିବା ବେଳେ ପିତାମ୍ବର ତ୍ରିପାଠୀ ସହଯୋଗ କରିଥିଲେ l
ଅନ୍ୟ ମାନଙ୍କ ମଧ୍ୟରେ ଜଗନ୍ନାଥ ସାହୁ,କେଦାର ମହାରଣା,ଉଦ୍ଧବ ପଣ୍ଡା,ପ୍ରକାଶ ଚନ୍ଦ୍ର ସାହୁ, କୃଷ୍ଣ ଚନ୍ଦ୍ର ସାହୁ, ସୁରେନ୍ଦ୍ର ସାହୁ,ମଳୟ ତ୍ରିପାଠୀ , ଧୁରେଦ୍ର ସାହୁ ପ୍ରମୁଖ କାର୍ଯ୍ୟ କ୍ରମରେ ସହଯୋଗ କରିଥିଲେ l ଶ୍ରୀ ରାମକୃଷ୍ଣ ଆଶ୍ରମ ର ଅନ୍ତେବାସୀ ଛାତ୍ରମାନେ ରଥ ଟଣା ଆରମ୍ଭରୁ ଶେଷ ଯାଏଁ ଘୁମୁରା ନୃତ୍ୟ ପରିବେଷଣ କରିଥିଲେ କୋଭିଡ-୧୯ ଯୋଗୁଁ ଦୁଇ ବର୍ଷ ରଥ ଯାତ୍ରା ବନ୍ଦ ରହିଥିଲା l
ଏ ବର୍ଷ ଯାତ୍ରା ହେବା ହେତୁ ଏବଂ ପାଗ ଅନୁକୂଳ ରହିଥିବାରୁ ଯାତ୍ରାରେ ବହୁତ୍ ଜନସମାଗମ ହୋଇଥିଲା । ପୁଲିସ ବିଭାଗ ଶାନ୍ତି ଶୃଙ୍ଖଳା ରକ୍ଷା କରିଥିଲେ l ପ୍ରାୟ ସଂଧ୍ୟା ସାତ ଘଣ୍ଟା ସମୟରେ ରଥ ମାଉସୀ ମାଆ ମନ୍ଦିରରେ ପହଞ୍ଚିଥିଲେ l ଶାନ୍ତି ଶୃଙ୍ଖଳା ସହିତ ଯାତ୍ରା ସମ୍ପନ୍ନ ହୋଇଛି l
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ l
