ଚନ୍ଦାହାଣ୍ଡି – ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକର ବିଭିନ୍ନ ସାର ଦୋକାନକୁ ଜିଲ୍ଲା କୃଷି ଅଧିକାରୀ ବିଜୟ କୁମାର ପଟ୍ଟନାୟକ, ବ୍ଲକ କୃଷି ଅଧିକାରୀ ଗଜାନନ ସାହୁ, ସହକାରୀ କୃଷି ଅଧିକାରୀ ଅମିତ କୁମାର ମଲିକ ଏକ ଟିମ ସହ ତନଖି କରିଥିଲେ l ପ୍ରଥମେ ଉକ୍ତ ଟିମ ସୌମ୍ୟରଞ୍ଜନ ଖମାରି ଙ୍କ ସାର ଦୋକାନ ଏହାପରେ ମହମ୍ମଦ ହନିଫ,ଚନ୍ଦାହାଣ୍ଡି ଲ୍ୟାମ୍ପ, ଦେବ ଟ୍ରେଡର୍ସ ଦେଓବନ୍ଧ ଆଦି ସାର ଦୋକାନ ପରିଦର୍ଶନ କରିଥିଲେ l ପରିଦର୍ଶନ ପରେ ସାର ଦୋକାନୀ ମାନେ ଦୋକାନ ସମ୍ମୁଖରେ ସାଇନ ବୋର୍ଡ, ଦର ତାଲିକା, ଷ୍ଟକ ପୋଜିସନ,ଲାଇସେନ୍ସ କପି ଟାଙ୍ଗୀବାରେ ଅନିୟମିତତା ଲକ୍ଷକରି ଅସନ୍ତୋଷ ପ୍ରକାଶ କରିବା ସହ ଦୋକାନୀଙ୍କୁ ତାଗିଦ କରିଥିଲେ l କେତେକ ଦୋକାନରେ ଷ୍ଟକ ଖାତା ଓ ବିକ୍ରୟ ଖାତା ଠିକ ନଥିବାରୁ ପରବର୍ତୀ ପରିଦର୍ଶନ ସମୟରେ ଠିକ କରିବା ପାଇଁ ପରାମର୍ଶ ଦେଇଥିଲେ l ପ୍ରକାଶ ଯେ ଚନ୍ଦାହାଣ୍ଡି ବ୍ଲକ ରେ ଚାଷୀମାନେ ସାର ବ୍ୟବହାର ଅଧିକ କରୁଥିବା ସହ ଜଙ୍ଗଲ ଜମିରେ ମକା ଚାଷ କରୁଥିବାରୁ ଆବଶ୍ୟକ ପରିମାଣରୁ ଅଧିକ ସାର ଦରକାର ପଡୁଛି l ସରକାର କୃଷି ବିଭାଗ ର ଚାଷ ଅନୁସାରେ ସାର ଯୋଗାଉ ଥିବାବେଳେ, ଜଙ୍ଗଲ ଜମିରେ ଚାଷ ପାଇଁ ସାର ଯୋଗାଉ ନାହାନ୍ତି l ଏହାର ସୁଯୋଗ ନେଇ କିଛି ବ୍ୟବସାୟୀ ଛତିଶଗଡ ରୁ ନକଲି ସାର ଆଣି ବିକ୍ରି କରୁଥିବା ଅଭିଯୋଗ ହେଉଥିଲା l
ଚନ୍ଦାହାଣ୍ଡି ରୁ ଦିଲୀପ ଦାସ ଙ୍କ ରିପୋର୍ଟ