ରାଉରକେଲା/ ଭାରତୀୟ ଷ୍ଟେଟ ବ୍ୟାଙ୍କ ତରଫରୁ ମାଟ୍ରିକ ପରୀକ୍ଷାରେ ସର୍ବୋଚ୍ଚ ନମ୍ବର ରଖିଥିବା ଛାତ୍ରଛାତ୍ରୀମାନଙ୍କୁ ସମ୍ବର୍ଦ୍ଧିତ କରାଯାଇଛି। ଷ୍ଟେଟ ବ୍ୟାଙ୍କ ର ଟାଉନସିପ ଶାଖାର ମୁଖ୍ୟ ପରିଚାଳକ ସରୋଜ ରାଉତରାୟଙ୍କ ଆବାହକତ୍ବ ଓ ସଂଯୋଜନା ତଥା ଆଞ୍ଚଳିକ ପ୍ରବନ୍ଧକ ଅଜୟ କୁମାର ନାୟକଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମ ରେ ଆଇନ ମହାବିଦ୍ୟାଳୟ ର ଅଧ୍ୟକ୍ଷ ଡଃ ଦେବେନ୍ଦ୍ର ନାଥ ବେହେରା, ପ୍ରାକ୍ତନ ପୁଲିସ ଅଧିକାରୀ ଡଃ ସୁମନ ଦତ୍ତ ଓ ଜର୍ଣ୍ଣାଲିଷ୍ଟ ଆସୋସିଏସନ୍ ର ଉପସଭାପତି ତଥା କବି କୁଞ୍ଜବିହାରୀ ରାଉତ ଅତିଥି ଭାବେ ଯୋଗଦେଇ କୃତୀ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧିତ କରିଥିଲେ। ଏହି ଅବସରରେ ଅତିଥି ମାନେ ବକ୍ତବ୍ଯରେ କହିଲେ ଯେ ସଂସ୍କାର, ଇଛାଶକ୍ତି, ଦୃଢ ମନୋବଳ ଓ ଏକାଗ୍ରତା ସହ କାର୍ଯ୍ୟ କଲେ ସଫଳତା ନିଶ୍ଚୟ ମିଳିବ। ସଂପ୍ରତି ଇଂରାଜୀ ମାଧ୍ୟମ ବିଦ୍ୟାଳୟର ପ୍ରାବଲ୍ୟ ମଧ୍ୟରେ ଓଡିଆ ବିଦ୍ୟାଳୟର ସଫଳତା କୌଣସି ଗୁଣରେ କମ୍ ନୁହେଁ। ନିଜର ଅଧ୍ୟବସାୟ ବଳରେ ଛାତ୍ର ଛାତ୍ରୀ ମାନେ ସଫଳତା ପାଇଥିବାରୁ ବ୍ୟାଙ୍କ ଓ ଅତିଥିଙ୍କ ତରଫରୁ ଅଭିନନ୍ଦନ ଜ୍ଞାପନ କରାଯାଇଥିଲା। ଅଧ୍ୟକ୍ଷତା କରୁଥିବା ଆଞ୍ଚଳିକ ପ୍ରବନ୍ଧକ ଶ୍ରୀ ନାୟକ ଅତିଥିଙ୍କ ପରିଚୟ ପ୍ରଦାନ ସହ ବ୍ୟାଙ୍କ ନିଜର ସାମାଜିକ ପ୍ରତିବଦ୍ଧତା ଓ ଗ୍ରାହକଙ୍କ ସନ୍ତୁଷ୍ଟିରେ କିପରି ସମଗ୍ର ଦେଶରେ ପ୍ରଥମ ସ୍ଥାନ ଅଧିକାର କରିଛି ସେ ସଂପର୍କରେ ବକ୍ତବ୍ଯ ରଖିଥିଲେ। ଏହି ଅବସରରେ ସରସ୍ବତୀ ଶିଶୁ ମନ୍ଦିର ର ସରିତା ଜେନା,ସୁଚିସ୍ମିତା ପରିଡା,ଉଜ୍ଜଇନ୍ ସାମଲ,ସ୍ବସ୍ତିକା ପାତ୍ର,ରିତିଶ ସାହୁ, ବିଷ୍ଣୁପ୍ରିୟା ସାହୁ,ସୁଚିସ୍ମିତା ଦାସ,ଆଶିଷ କୁମାର ପଣ୍ଡା,ରଶ୍ମିତା ସାହୁ,ପୀୟୁଷ ପ୍ରିତମ ସେଠୀ,ପ୍ରଦୀପ୍ତ ଚନ୍ଦ୍ର ଗିରି,ଅଖିଲ ଆପଟ,ଏନଏସି ଏସଟି ସରକାରୀ ଉଚ୍ଚ ବିଦ୍ୟାଳୟ ର ବିଶ୍ବଜିତ ମହାକୁଡ, ବାଜି ରାଉତ ଶିକ୍ଷା ନିକେତନର ଆଶୁତୋଷ ପଣ୍ଡା ଓ ଦୀପ୍ତିମୟୀ ବେହେରା,ଚିନ୍ମୟ ବିଦ୍ୟାଳୟର ଅଙ୍କିତା ଜେନା, ମଧୁସୂଦନ ଶିକ୍ଷା ସଦନର ଗୌରବ ଜେନା ଓ ସନ୍ଦିପ ଟପ୍ପୋ ଙ୍କୁ ବ୍ୟାଙ୍କ ତରଫରୁ ମେମୋଣ୍ଟୋ ,ପୁଷ୍ପଗୁଛ,ଚାରା ଓ ଆର୍ଥିକ ପ୍ରୋତ୍ସାହନ ଦିଆଯାଇ ସମ୍ବର୍ଦ୍ଧିତ କରାଯାଇଥିଲା। ସେହିପରି ସରସ୍ବତୀ ଶିଶୁ ମନ୍ଦିରର ପ୍ରଧାନ ଶିକ୍ଷକ ସୁରେନ୍ଦ୍ର କୁମାର ଶତପଥୀ, ଏନଏସି ଏସଟି ସରକାରୀ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ସବିତାରାଣୀ ମହାପାତ୍ର,ବାଜି ରାଉତ ଶିକ୍ଷା ନିକେତନର ପ୍ରଧାନ ଶିକ୍ଷୟିତ୍ରୀ ସୁଶ୍ରୀ ସୌଦାମିନୀ ମୁଦୁଲି, ସେକ୍ଟର ୭ ଚିନ୍ମୟ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ଏସ୍ ସୁଜାତା ତ ମଧୁସୂଦନ ଶିକ୍ଷା ସଦନର ପ୍ରଧାନ ଶିକ୍ଷୟିତ୍ରୀ ସୌଭାଗିନୀ ମୁଦୁଲି ଙ୍କୁ ସ୍ବତନ୍ତ୍ର ଭାବେ ସମ୍ବର୍ଦ୍ଧିତ କରାଯାଇଥିଲା। ସମସ୍ତ ଶିକ୍ଷକ ଶିକ୍ଷୟିତ୍ରୀ ମାନେ ବ୍ୟାଙ୍କ ର ଏଭଳି ପ୍ରୋତ୍ସାହିତ କାର୍ଯ୍ୟକ୍ରମକୁ ପ୍ରଶଂସା କରିଥିଲେ। ଅନ୍ୟ ମାନଙ୍କ ମଧ୍ୟରେ ବ୍ୟାଙ୍କର ସର୍ବଶ୍ରୀ ବଟକୃଷ୍ଣ ଶତପଥୀ,ଚିନ୍ମୟୀ ପାତ୍ର,ପ୍ରଶାନ୍ତ ବେହେରା,ସଂଗୀତା ମୁଖାର୍ଜୀ,ନିରୁପମା ତିର୍କୀ,ମିତାଲି ସୁନ୍ଦରାୟ ,ସ୍ବାତୀ ମହାନ୍ତି,ନୀଲମ ମିଞ୍ଜ,ନବର୍ଟ କୁଲୁ ଓ ମହେଶ ଟୁଡୁ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିବା ବେଳେ ମୁଖ୍ୟ ପରିଚାଳକ ଶ୍ରୀ ରାଉତରାୟ ଧନ୍ୟବାଦ ଅର୍ପଣ କରିଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ