ପ୍ରାର୍ଥନା

ଉପେନ୍ଦ୍ର କୁମାର ବସ୍ତିଆ

   

କିଏ ପଛେ ମୋର ନ ଥାଉ ପଛରେ 

     ଏକା ଅଛ ତୁମେ ମୋର 

କିଏ ପଛେ ମୋତେ ନ କରୁ ଆଦର 

    ମହାବାହୁ ସାହାଯାର ।

ଯିଏ ଯେତେ ନିନ୍ଦା କରୁଥାଉ ପଛେ 

      ମୁଁ କିଛି ଭାବିବି ନାହିଁ 

ନିନ୍ଦା ବା ପ୍ରଶଂସା ମୋ ପାଖେ ସମାନ 

    ସବୁରେ କାଳିଆ ସାଇଁ । 

ତୁମେ ଧରିଥିଲେ ମୋହରି ହାତକୁ  

    କାହାକୁ ନ ଥିବ ଡର 

ଯାହାର ନାମକୁ ଶୁଣିବା ମାତ୍ରକେ 

    ଯମ ହୁଏ ଥର ହର ।

ସେହି ନାମ ଗାଇ ସେହି ନାମ ଧ୍ୟାୟୀ 

    ସଂସାରୁ ହୋଇବି ପାର

ତୁମେ ମୋ ରକ୍ଷକ ତୁମେ ମୋ ଭକ୍ଷକ 

    ତୁମେ ମୋର ପ୍ରାଣେଶ୍ୱର ।

      ରାଉରକେଲା