କଳାହଣ୍ଡି – ବିଜୁ ପଟ୍ଟନାୟକ କଳାହାଣ୍ଡି ପ୍ରିମିୟର ଲିଗ ପାଇଁ ଧର୍ମଗଡ ବ୍ଲକର ୨୪ ଗୋଟି ଗ୍ରାମ ପଞ୍ଚାୟତ ର ଦଳ ମାନଙ୍କୁ କ୍ରିକେଟ ଖେଳ ଉପକରଣ ପ୍ରଦାନ କରାଯାଇଛି।ଏହି ଅବସରରେ ଆଜି ଆୟୋଜିତ ଏକ କାର୍ଯ୍ୟକ୍ରମରେ ପୂର୍ବତନ ମନ୍ତ୍ରୀ ଜିଲ୍ଲା ବିଜୁ ଜନତା ଦଳର ଜିଲ୍ଲା ସମ୍ପାଦକ ଶ୍ରୀ ପୁଷ୍ପେନ୍ଦ୍ର ସିଂଦେଓ ଓ ମାନ୍ୟବର ଧର୍ମଗଡ ବିଧାୟକ ମୌଷଧି ବାଗ ଯୋଗଦେଇ ଧର୍ମଗଡ ବ୍ଲକର ପଞ୍ଚାୟତ ଦଳର ପ୍ରତିନିଧି ମାନଙ୍କୁ କ୍ରୀଡା ଉପକରଣ ବଣ୍ଟନ କରି ପ୍ରିମିୟର ଲିଗରେ ଉନ୍ନତ ଖେଳ ପ୍ରଦର୍ଶନ କରିବାକୁ ପରାମର୍ଶ ଦେଇଥିଲେ।ବିଜୁ ଜନତା ଦଳର ଜିଲ୍ଲା ଉପସଭାପତି ଶ୍ରୀ ଥବିର ପ୍ରସାଦ ସାହୁ, ବଲାଙ୍ଗୀର ଜୋନ ସଭାନେତ୍ରୀ ଶ୍ରୀମତୀ କଲ୍ୟାଣି ନାଏକ, ବ୍ଲକ ସଭାପତି ଟିକମନ ଯାଦବ,ଧର୍ମଗଡ ଏନଏସି ର ପୂର୍ବତନ ଅଧ୍ୟକ୍ଷା ସୁଶ୍ରୀ ହୀରା ବାଗ, ବିଧାୟକ ପ୍ରତିନିଧି ସ୍ୱାଧୀନ ବାଗ,ଏନଏସି ପ୍ରତିନିଧି ମଦନ ନାଏକ, ଛାତ୍ର ସଭାପତି ସୁନିଲ ଭଏସାଲ,ଧର୍ମଗଡ ବ୍ଲକ ସମ୍ପାଦକ ଯୋଗେନ୍ଦ୍ର ସାହୁ,ସରକାରୀ ଓକିଲ ରାଜେନ୍ଦ୍ର କୁମାର ମୁନି, ଭବାନୀ ଶଙ୍କର ପଣ୍ଡା, ଅଜିତ କୁମାର ସାହୁ, ଆଇନଜୀବୀ ଧୀରେନ୍ଦ୍ର କୁମାର ପାତ୍ର ପ୍ରମୁଖ ଉକ୍ତ କାର୍ଯ୍ୟକ୍ରମରେ ଯୋଗଦେଇଥିଲେ।ଧର୍ମଗଡ ବ୍ଲକ ଯୁବ ସଭାପତି ଦିବ୍ୟସିଂହ ମହାନ୍ତି କାର୍ଯ୍ୟକ୍ରମ ପରିଚାଳନା କରିଥିଲେ।
କଳାହାଣ୍ଡି ରୁ ବିଦ୍ୟାଧର ସାହୁଙ୍କ ରିପୋର୍ଟ….
