ରାଇଘର ୩/୮ (ମ ନି ସ) ନବରଙ୍ଗପୁର ଜିଲ୍ଲା ରାଇଘର ସମବାୟ ସମିତିର ନବ ନିର୍ବାଚିତ ଡାଇରେକ୍ଟର ମାନଙ୍କୁ ନେଇ ଆଜି ପ୍ରଥମ ବୈଠକ ଅନୁଷ୍ଠିତ ହୋଇଯାଇଛି l ସ୍ଥାନୀୟ ସମବାୟ ସମିତି କାର୍ଯ୍ୟାଳୟ ଠାରେ ଆୟୋଜିତ ଏହି ବୈଠକ ରେ ଲ୍ଯାମ୍ପ୍ସ ସଭାପତି ରାଇସିଂ ଗଣ୍ଡ ସଭାପତିତ୍ୱ ଗ୍ରହଣ କରିଥିବା ବେଳେ ଉପ ସଭାନେତ୍ରୀ ନିଳାବତୀ ହନ୍ତାଳ ଓ ପରିଚାଳନା ନିର୍ଦ୍ଦେଶକ ନିରାକାର ରାଉତ ମଞ୍ଚାସିନ ଥିଲେ l ଏହି ବୈଠକରେ ଚଳିତ ବର୍ଷର ଖରିଫ ଋଣ କୁ ନେଇ ଆଲୋଚନା ହୋଇଥିଲା | ଚଳିତ ବର୍ଷର ଟାର୍ଗେଟ ଠାରୁ ମାତ୍ର ୩୫ ପ୍ରତିଶତ ପ୍ରଦାନ କରାଯାଇଥିବାରୁ ଖୋଭ ପ୍ରକାଶ ହୋଇଥିଲା | ଚାଷୀ କିଭଳି ଋଣ ପାଇବେ ଏବଂ ଋଣ ଆଦାୟ କିଭଳି ହେବ ଏ ନେଇ ଆଲୋଚନା ହୋଇଥିଲା | ଫେଡେରେସନ ଠାରୁ କିଭଳି ଅଧିକ ୟୂରିୟା ସାର ଆସିବ ଏବଂ ଖୁଚୁରା ଚାଷୀ କିଭଳି ଭାବେ ସାର ପାଇବେ ସେ ନେଇ ଆଲୋଚନା ହୋଇଥିଲା | ଗୋନା , ହାଟଭରାଣ୍ଡି , ରାଇଘର ,ଜୋଡିଙ୍ଗା , ମହଣ୍ଡ ଆଦି ପଞ୍ଚାୟତରେ ଚାଲୁଥିବା ମଣ୍ଡି ପାଇଁ ସ୍ଥାୟୀ ସରକାରୀ ଜାଗା ନିମନ୍ତେ ପ୍ରସ୍ତାବ ପକା ଯାଇଥିଲା l ଏହି ଅବସରରେ ଡାଇରେକ୍ଟର ମାନଙ୍କ ମଧ୍ୟରୁ ରଘୁ ଗଣ୍ଡ , ପରମେଶ୍ବର ଶ୍ରୀବାସ୍ତବ, ଚିତ୍ତରଞ୍ଜନ ଗଣ୍ଡ , ହରେନ୍ଦ୍ରସିଂ ସିଙ୍ଘର , ଦେବେନ୍ଦ୍ର ମିଶ୍ର , ସୁଶିଲ କୁମାର ବର୍ମନ, ଚନ୍ଦନ ସିଂ ଗଣ୍ଡ , ବିଗମ ବାଈ ଗଣ୍ଡ , ମାଳତୁ ଗଣ୍ଡ , ରାମବିଲାସ ଗଣ୍ଡ , ବିନ୍ଦ ବାଈ ଗଣ୍ଡ ପ୍ରମୁଖ ଉପସ୍ଥିତ ଥିଲେ l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ
