ଭବାନୀପାଟଣା,୧୩/୮:( ମ ନି ସ) ସ୍ଥାନୀୟ ଲାଲ ବାହାଦୂର ଷ୍ଟାଡିଅମ ଠାରେ କଳାହାଣ୍ଡି ଜିଲ୍ଲା ପ୍ରଶାସନ ପକ୍ଷରୁ ଆୟୋଜିତ ହେବାକୁ ଥିବା ଜିଲ୍ଲା ସ୍ତରୀୟ ୭୬ ତମ ସ୍ୱାଧୀନତା ଦିବସ ପାଳନ ଅବସରରେ ତିନିଟି ପାଠ୍ୟକ୍ରମ ରେ ଦଶମ ପରୀକ୍ଷାରେ ଜିଲ୍ଲାର ସର୍ବୋଚ୍ଚ ନମ୍ବର ରଖିଥିବା ତିନିଜଣ ଛାତ୍ରଛାତ୍ରୀ ଙ୍କୁ ସମ୍ବର୍ଦ୍ଧିତ କରାଯିବ। 
କଳାହାଣ୍ଡି ପେଷାଦାର ସାମ୍ବାଦିକ ସଂଘ ପକ୍ଷରୁ ବିଗତ କିଛିବର୍ଷ ହେଲା ଜିଲ୍ଲାର ଦଶମ ଟପ୍ପର ମାନଙ୍କୁ ସମ୍ବର୍ଦ୍ଧିତ କରିବା ନିମନ୍ତେ ଜିଲ୍ଲା ପ୍ରଶାସନକୁ ଆବଶ୍ୟକୀୟ ଟ୍ରଫି, ମାନପତ୍ର ଓ ପୁରସ୍କାର ଯୋଗାଇ ଦିଆଯାଉଛି। ଚଳିତ ବର୍ଷ ଓଡିଶା ମାଧ୍ୟମିକ ଶିକ୍ଷା ବୋର୍ଡ ପରୀକ୍ଷା ରେ ୯୭.୫ ଶତକଡା ମାର୍କ ରଖି ଥିବା ସହିଦ ରେଣ୍ଡୋ ମାଝୀ ଉଚ୍ଚ ଵିଦ୍ୟାପୀଠ ଉର୍ଲାଦାନୀ ର ବୈଜୟନ୍ତି ମିଶ୍ର, ସିବିଏସସି ପାଠ୍ୟକ୍ରମ ଦଶମ ପରୀକ୍ଷାରେ ୯୯.୬ ଶତକଡା ମାର୍କ ରଖିଥିବା ଓଡିଶା ଆଦର୍ଶ ବିଦ୍ୟାଳୟ ଭାବଣିପାଟଣାର ଛାତ୍ରୀ ସୁଧନ୍ୟା ପତି ଓ ଆଇସିଏସଇ ପାଠ୍ୟକ୍ରମ ରେ ୯୭.୬ ଶତକଡା ମାର୍କ ରଖି ଜିଲ୍ଲାର ଟପ୍ପର ହୋଇଥିବା ବିମଳା କନଭେଣ୍ଟ ର ଛାତ୍ର ଔରଜିତ ମିଶ୍ରଙ୍କୁ ଏହି ପୁରସ୍କାର ପ୍ରଦାନ କରାଯିବ ବୋଲି କଳାହାଣ୍ଡି ପେଷାଦାର ସାମ୍ବାଦିକ ସଂଘର ସାଧାରଣ ସମ୍ପାଦକ ରଜନୀକାନ୍ତ ମିଶ୍ର ପ୍ରକାଶ କରିଛନ୍ତି।
