ଧନ୍ୟ ତୁମେ ଗୋପାଙ୍ଗନା
ଉପେନ୍ଦ୍ର କୁମାର ବସ୍ତିଆ
ଧନ୍ୟତୁମେ ଗୋପାଙ୍ଗନା
ଧନ୍ୟ ହେ ବ୍ରଜ ବାସିନା
ଶୟନେ ସପନେ ତୁମେ
ବ୍ରଜବାଳ ସୁମରଣା
ଧନ୍ୟ ତୁମେ •••••।
ଦୁଃଖ ନାହିଁ ଶୋକ ନାହିଁ
ଚିନ୍ତାନାହିଁ ଭୟ ନାହିଁ
ଲଜ୍ୟାକୁ ଖାତିରି ନାହିଁ
ଶ୍ୟାମ ଯେଣୁ ଜଣାଶୁଣା
ଧନ୍ୟ ତୁମେ •••••।
ଦୋହନ କାଳେ ଗୋଧନା
ଲିପିଲା ବେଳେ ଅଗଣା
ଦଧି ମନ୍ଥା ବେଳେ କାହ୍ନା
ଟାଣନ୍ତି ତୁମ ଓଢ଼ଣା
ଧନ୍ୟ ତୁମେ •••••।
ତୁଳସୀ ଚଉଁରା ମୂଳେ
ଜଳ ଦେଉଥିଲା ବେଳେ
ଶିଶୁ ପ୍ରବୋଧିଲା କାଳେ
କାହ୍ନାକର ସୁମରଣା
ଧନ୍ୟ ତୁମେ •••••।
ଗୃହ କାର୍ଯ୍ୟ କଲା ବେଳେ
ସ୍ଵାମୀ ସେବା ରତ ଥିଲେ
ମୋହନ ବଂଶୀ ଶୁଣିଲେ
ହେଉଥିଲ ବାଟ ବଣା
ଧନ୍ୟ ତୁମେ •••••।
ଗୋପୀ ସଙ୍ଗେ ସୁକୁମାରୀ
କାଖରେ କଳସୀ ଧରି
ଯାଉଥିଲେ ନୀର ଆଣି
ହଟହଟା କରେ କାହ୍ନା
ଧନ୍ୟ ତୁମେ •••••।
ଗୋପ ବାଳକ ସଙ୍ଗରେ
ଗୋଧେନୁ ବତ୍ସା ପଛରେ
ମୁରଲୀ ଧରି ହସ୍ତରେ
ବନେ ଯାଉଥିଲେ କାହ୍ମା
ଧନ୍ୟ ତୁମେ •••••।
ରାଧାରାଣୀ କୁଞ୍ଜେ ଥିଲେ
ମୋହନ ଧ୍ଵନୀ ଶୁଣିଲେ
ତେଜି ତମାଳ ମାଳକୁ
ସିଧା ଚାଲନ୍ତି ଯମୁନା
ଧନ୍ୟ ତୁମେ •••••।
ରାଉରକେଲା
