ତୁମେ ଏମିତି କାହିଁକି ଆସ

 

  ସଫଳା ଦାସ 

     

ତୁମେ ଏମିତି କାହିଁକି ଆସ 

କର୍ମ ଶାଳାମୋର ରୋଷେଇ ଘରଟି 

ତାକୁ କର ସର୍ବନାଶ ।।

ତମେ ଏମିତି କାହିଁକି ଆସ*****

ଭାତ ଯାଉହେଲା ଡାଲି ପୋଡିଗଲା

ତରକାରୀ ରେ ଲୁଣ ନାହିଁ 

ଗେରସ୍ତ ମୋହର ରାଗେ ଗର ଗର 

ଉପାଡିଲେ ତାଙ୍କ ନିଶ

ତମେ ଏମିତି କାହିଁକି ଆସ *****

ମାଇକି ପରିକା ଶବ୍ଦ କରିକା 

ବାଇକି ରେ ଗଲେ ଉଡି

ହୋଟେଲରେ ବସି ଚିକେନ ଭିଡିଲେ

ଘରେ ମୋର ଏଣେ ଉପାସ।।

ତମେ ଏମିତି କାହିଁକି ଆସ *****

ପେଟେ ଠୁଙ୍କି ଢିଙ୍କି ପରିଗଡିଗଲେ

 ଖଟରେ ଆଉଜି ବସିଲି

କର ନେଉଟେଇ ଗୋଡକୁ ଥୋଇଲେ 

ଗୋଡ ଦୁଇଟା କୁ ଘସ।।

ତମେ ଏମିତିା କାହିଁକି ଆସ ***

ରାତିପାଇଗଲା ସକାଳ ହୋଇଲା 

ରାଗ ହୋଇଗଲା ଶେଷ 

ପଚାରିଲେ କାଲି କାହା କଥା ଭାବି

ରୋଷେଇ ର ସର୍ବନାଶ।।

ତୁମେ ଏମିତି କାହିଁକି ଆସ ****

କହିଲି କାହିଁକି ଅଝଟ ମନଟା

ନେଇଗଲା ଏଣେ ତେଣେ 

ତୁମେ ଆସିଥିଲ ପ୍ରଥମ ଦେଖାରେ

 ସେ ରୂପ ସେ ମୂହଁ ହସ

ସ୍ମୃତି ହୋଇ ମୋର ଆଗରେ ନାଚିଲା 

ରୋଷେଇ ମୋ ସର୍ବ ନାଶ ।।

କଟକ