ହଜିଲା ଦରବ
ଅଧ୍ୟାୟ-୮
ଦିଲ୍ଲୀପ କୁମାର ନନ୍ଦୀ
ବୋହୂଚୋରୀ ଅବା ଠିଆପୁଚି ଖେଳ
ଗାଆଁ ଦାଣ୍ଡରେ ଦିଶୁନି
କୁମାର ଉତ୍ସବ ମକର କି ଚାନ୍ଦ
ପରମ୍ପରା ଉଠିଲାଣି।୧।
ଗୁଲି ଦଣ୍ଡା କଥା କିଏବା ପଚାରେ
ସଢ଼େଇରେ ନାହିଁ ବାଲି
ଶୁଭେ ନାହିଁ କେଁ କଟର ଶବ୍ଦଟା
ବସନ୍ତେ ନାହିଁ କୋଇଲି।୨।
ନଟୁ ଖେଳ କଥା ଭୁଲି ତ ଗଲେଣି
ନାହିଁ ତ ଲୁକ ଲୁକାନି
ଟାୟାର ଗଡ଼ୁନି ଗାଆଁ ଦାଣ୍ଡରେ ତ
ନାହିଁ ତ ରୁମାଲ ଚୋରି।୩।
ଗଡ଼ିଆ କଣ୍ଡିଆ ଶୁଖିଲା ପଡ଼ିଛି
ନଦୀ ବହୁନି ଉଜାଣି
ଠାବେ ଠାବେ ଆନିକଟ୍ ନଦୀ ବନ୍ଧ
ଛାଣି ହୋଇଯାଏ ପାଣି।୪।
କାଏମା, ଧର୍ମଶାଳା, ଯାଜପୁର