ହସ

କବି ସୌରଭ ବୈଜୟନ୍ତୀ ମାଳା ମହାପାତ୍ର

ହସ ପାଇଁ ମିଳେ ଅପୂର୍ବ ଆନନ୍ଦ

ହସ ପାଇଁ ଦୁଃଖ ଯାଏ

ହସି ଯେ ହସାଏ ତୃପତି ସେ ପାଏ 

ବିଭୁ କୃପା ଲଭି ଥାଏ 

ହସ ଲୁହ ଭରା ମହୀ,

ହସିଲେ ସୁନ୍ଦର ଦିଶିବ ଚେହେରା 

ହସୁଥିବା ସଦା ସହୀ……..(୧)

ହସ ହସ ମୁହଁ ଦୂର କରେ କୋହ

ହସିବ ଯେବେ ହୃଦୟ

ହସରେ ହସିବ ଜୀବନ ବାସିବ 

ନୋହିବ କେବେ ଅଥୟ

ହସକୁ ସଦା ହେ ଧରି,

ହସି ହସି ସବୁ କରମ କରିବା

ହସ ଢାଳିବେ ମୁରାରି…..(୨)

ହସକୁ ଯେବେ ହେ ଦୂର କରିଦେବା

ହସିବା ଆଗରୁ ଆମେ

ହସି ଚାହୁଁଥିବ ଏ ସାରା ସଂସାର

ସଖା ଏହି ଧରାଧାମେ

ହସର ମାହିମା ଜାଣି,

ହସି ହସାଇବା ଖୁସିରେ ରହିବା 

ହସିବ ଆମ ଧରଣୀ…..(୩)

ଫୁଲବାଣୀ, କନ୍ଧମାଳ