ବାଲେଶ୍ଵର,୦୧/୯/୨୨- ଓଡ଼ିଶା ଡ୍ରାଇଭର ମହାସଂଘ ଖଇରା ଶାଖା ତରଫରୁ ବାଲେଶ୍ଵର ଜିଲ୍ଲା ଖଇରା ବ୍ଲକ ଶ୍ୟାମସୁନ୍ଦରପୁର ପଞ୍ଚାୟତର ଗଣ୍ଡିବେଡ଼ ବଜାରରେ ସଫେଇ କାର୍ଯକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ ପଞ୍ଚାୟତ ଡ୍ରାଇଭର ସଙ୍ଘର ଆଡ଼ମିନ ବନମାଳୀ ପ୍ରଧାନଙ୍କ ନେତୃତ୍ୱରେ ଡ୍ରାଇଭର ଦିବସରେ ଡ୍ରାଇଭର ମାନଙ୍କ ଦ୍ବାରା ହୋଇଥିଲା ବଜାର ସଫେଇ । ଏହି ସଫେଇ କାର୍ଯ୍ୟକ୍ରମରେ ବ୍ଲକର ସମସ୍ତ ଓଡିଶା ଡ୍ରାଇଭର ସଙ୍ଘର ଆଡ଼ମିନ ଓ ଡ୍ରାଇଭର ମାନେ ଯୋଗଦେଇ ସଫେଇ କାର୍ଯ୍ୟ କରିଥିଲେ । 
ଏଥିସହିତ ବଜାରକୁ ସର୍ବଦା ପରିଷ୍କାର ରଖିବା ପାଇଁ ଲୋକ ମାନଙ୍କୁ ବୁଝାଇଥିଲେ । ପରେ ପରେ ଗଣ୍ଡିବେଡ଼ ବଜାରରୁ ସଚେତନତା ବାର୍ତ୍ତା ନେଇ ବାଇକ ଶୋଭାଯାତ୍ରାରେ ବାହାରି କୁପାରୀ ଅମ୍ବିକା ମନ୍ଦିର ପର୍ଯ୍ୟନ୍ତ ଯାଇଥିଲେ । ଏଥିରେ ଡ୍ରାଇଭର ସହଦେବ ସାହୁ, ମାନଶ ବିଶ୍ବାଳ, ବିଜୟ ବେହେରା, ମହେଶ୍ବର ରାଉତ ଓ ପ୍ରଶାନ୍ତ ସାହୁଙ୍କ ସମେତ ୩୭ ଗୋଟି ପଞ୍ଚାୟତର ଡ୍ରାଇଭର ଓ ସଙ୍ଘର ଉପଦେଷ୍ଟା ସୁରେନ୍ଦ୍ର ଦାସ, ପର୍ଶୁରାମ ବେହେରା ପ୍ରମୁଖ ଉପସ୍ଥିତ ଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
