ନୂଆଖାଇ
କବିତା ସାହୁ
୧- କେତେ ଖୁସି ଆନନ୍ଦ ପସରା ନେଇ
ଏ ସନ ଆସିଛି ହସି ନୁଆଖାଇ ।
ଦୁର ରାଇଜରୁ ଆସିଲେଣି ଭଉଣୀ ଭାଇ
ଘରଦ୍ବାର ଲିପା ପୋଛା ସଜ୍ଜିତ ହୋଇ ।
୨-ଢୋଲ ନାଚଗୀତେ ହସେ ପଶ୍ଚିମ ଓଡିଶା
ବଜାର ସହର ଆଲୋକ ମାଳାରେ ସଜ୍ଜା।
ଧନୀ ଗରିବ ବଡ ସାନ ସଭିଏ ଆଜି ଏକ
କୃଷି ଭିତ୍ତିକ ଗଣପର୍ବ ନୂଆଖାଇ ର ଶିକ୍ଷା ।
୩- ନୂଆ ଧାନ ନୂଆ ଚାଉଳ ନୂଆଚୁଡା ପରିବା
ନୂଆହାଣ୍ଡିରେ ପିଠାପଣା ନବାନ୍ନ ରନ୍ଧା।
ନୂଆ ବସ୍ତ୍ର ପରିଧାନ ଆବାଳ ବୃଦ୍ଧ ବନିତା
ଭୁଲି ରାଗ ରୋଷ ମାନ ହୁଅନ୍ତି ଏକତା।
୪- ସ୍ନେହ ଆଦର ଭେଟଘାଟ ଭାଇଚାର ଭାବ
ବଡଙ୍କୁ ଜୁହାର ସାନଙ୍କୁ ଆଶିଷ ଦେବ ।
ଶାନ୍ତି ମୈତ୍ରୀ ଭାବ ଆସୁ ସବୁରୀ ଘର
ଏକାଠି ବସି ପ୍ରସାଦ ଖାଇବା ଖୁସି ଅପାର ।
କୁରେଇ ପତରେ ଖାଇ ନିରୋଗ ଶରୀର
ରୀତି ନୀତି ପରମ୍ପରା ରହିଅଛି ସବୁର ।
୫- ଈଷ୍ଟ ଦେବୀ ପାଶେ ଅନ୍ନ ଲାଗି କରି ଜୁହାର
କରନ୍ତି ପ୍ରାର୍ଥନା ମାଆ ପାଶେ ସକଳ ନର।
ରୋଗ ଶୋକ ଦୁଃଖ କଷ୍ଟ କର ମାଆ ଦୂର
ଅଭାବ ନ ରହୁ କାହା ଶସ୍ଯ ଭଣ୍ଡାର
ଧରଣୀ ମାଆ ଆଶିଷେ ମନ ଖୁସି ସବୁର।
ଜୟପୁର