ଗୁରୁ 

ଗୁରୁ ଅର୍ଥ ଭାରି ଗୁରୁ ଗରିୟାନ

          ଗୁରୁ ଦିଏ ଶୁଦ୍ଧ ଜ୍ଞାନ

ଗୁରୁ ପାଦ ତଳେ ପ୍ରଣମି କହୁଛି

          ଗୁରୁ ସର୍ବଶ୍ରେଷ୍ଠ ଜାଣ ।

ଗୁରୁ ଶିକ୍ଷା ଦିଏ ଲେଖିବା ପଢିବା

         ଗୁରୁ କରେ ସ୍ବଚ୍ଛ ମନ

ଗୁରୁ ବିନା ସିଦ୍ଧି ଗୁରୁ ବିନା ମୁକ୍ତି

        ହୋଇ ପାରିବନି ଜାଣ ।

ଗୁରୁ ହିଁ ଈଶ୍ବର ସର୍ବ ପ୍ରାଣଧାର

          ଗୁରୁ ବିନା ନାହିଁ ମୁକ୍ତି

ଗୁରୁ ଦିଏ ବୁଦ୍ଧି ଗୁରୁ କରେ ସିଦ୍ଧି

         ବଞ୍ଚି ବାରେ ଦିଏ ଶକ୍ତି ।

ଗୁରୁ ଅଟେ ମାତା ଗୁରୁ ଅଟେ ପିତା

         ଗୁରୁ ଅଟେ ଶିକ୍ଷା ଦାତା

ତାଙ୍କରି ଆଶିଷ ଥିଲେ ଏ ମସ୍ତକେ

         ହୋଇବା ଜଗତ ଜିତା ।

ଯିଏ ନେଇଥାଏ ଅନ୍ଧାରୁ ଆଲୋକେ

       ସେ ସିନା ଅଟଇ ଗୁରୁ

ମାତା ପିତା ଆଉ ଶିକ୍ଷାଦାତା ଗୁରୁ

       ପ୍ରଣାମ କରୁଛି ଦୂରୁ ।

ପ୍ରେମଶିଳା ବେହେରା

 ଭବାନୀପାଟଣା କଳାହାଣ୍ଡି