ଇତିହାସ କଦର୍ଥରେ ସୃଷ୍ଟିର ଧ୍ୟଂସ
ଜନମ ମରଣର ମଧ୍ୟବର୍ତ୍ତୀ ସମୟରେ ମଣିଷର ଓ ସମାଜର ଲୋଭ, ମୋହ, ମାୟାର ବନ୍ଧନ ଥାଇ ନିଜ ସ୍ୱାର୍ଥ ଅବା ପରୋପକାର କର୍ମକାଣ୍ଡ ଓ କର୍ମଫଳକୁ ଇତିହାସ କୁହାଯାଏ | ଇତିହାସ ହେଉଛି ଅତୀତ ସମୂହ ଘଟଣାବଳୀ | ଇତିହାସ ହେଉଛି ଆଦିମାନବ ଠାରୁ ପରମାଣୁ ଯାଏ ଏକ ଧୀର ପ୍ରବାହିତ ଧାରା |
ଇତିହାସର ଛାତ୍ର ହିସାବରେ ଜାଣିଛି History repeats itself
ହା ହୁତାଶର ଅଗ୍ନିକୁଣ୍ଡ ଏହି ଜୀଵନରେ ଇତିହାସ ଯାହା ଅତୀତ ତାହାର ଯଥାର୍ଥତା କଅଣ ତାହା ମୁଁ ପାଠ କରିଛି, ମନରେ ବହୁ ପ୍ରଶ୍ନ ମଧ୍ୟ କରିଛି ଓ ତାହାର ମୋ କ୍ଷୁଦ୍ର ମସ୍ତିଷ୍କରେ ଯାହା ହୃଦୟଂଗମ କରିଛି ତାହା ଏହି ପ୍ରବନ୍ଧରେ ଦର୍ଶାଇବାକୁ ଚେଷ୍ଟା କରୁଛି |
ଅତୀତର ସଂଘଟିତ ସମସ୍ତ ଘଟଣାବଳୀର ସତ୍ୟ ଭାବରେ ଉପସ୍ଥାପନ ହେଉଛି ଇତିହାସ | ଡାଇରୀ ଭଳି ସମସ୍ତ ପ୍ରକୃତ ସତ୍ୟ ଘଟଣାବଳୀର ଉପସ୍ଥାପନ ହେଉଛି ଇତିହାସ | ସେ ସାକ୍ଷୀ ହୋଇ ରହେ ଭବିଷ୍ୟତକୁ ଗଢି ତୋଳିବାରେ | ଇତିହାସ ଆମକୁ ଆଦିମ ସଭ୍ୟତା ଠାରୁ ପ୍ରାଚୀନ କୀର୍ତ୍ତି, ଶାସନର ବିବରଣୀ, ଶାସକ ମାନଙ୍କ ପ୍ରକୃତ ଚରିତ୍ରକୁ ଉପସ୍ଥାପନ କରିଥାଏ | ଇତିହାସ ଦିଏ ବାର୍ତ୍ତା, ଭବିଷ୍ୟତ ପାଇଁ | ସ୍ମୃତି ସ୍ତମ୍ଭ, ପ୍ରାଚୀନ ସ୍ମାରକୀ ତଥା ବିଭିନ୍ନ ସମୟରେ ଆକ୍ରମଣର ତଥ୍ୟ ଇତିହାସରୁ ଆମେ ପାଇ ଥାଉ | ଇତିହାସ ହିଁ ମାନବ ହୃଦୟରେ ସୃଷ୍ଟି କରେ ଦେଶପ୍ରେମ ଓ ମଣିଷ ପ୍ରେମ |
ଇତିହାସକୁ ଛାଡି ଏ ମଣିଷର କ୍ରମ ବିକାଶ ସମ୍ଭବ ନୁହେଁ |
ଇତିହାସ ବିନା ଆମ ଜୀବନର ବିକାଶ ହୁଏ ନାହିଁ | ଅତୀତ ପୃଷ୍ଠାର ଅନେକ ତଥ୍ୟ ଯୋଗାଇ ଥାଏ ପ୍ରକୃତ ସତ୍ୟ ଉଦ୍ଘାଟନ ଗବେଷଣା | ବିଭିନ୍ନ ସମୟରେ ପ୍ରତ୍ନତତ୍ତ୍ଵ ବିତ୍ତ ମାନେ ଐତିହାସିକ ତଥ୍ଯ ସବୁ ଲୋକ ଲୋଚନକୁ ଆଣିଥାନ୍ତି |
ଦୁନିଆଁରେ ମଣିଷ ଧନ ଓ ସମ୍ମାନକୁ ଚିହ୍ନେ | ତାକୁ ପୂଜା କରେ | ନୀତି, ଗତି, ମତିକୁ ପଚାରନ୍ତି ନାହିଁ | ଉତ୍କଟ ଦୂର୍ଗନ୍ଧକୁ ମହମହ ବାସୁଥାଏ ବୋଲି ବର୍ଣନା କରନ୍ତି | ଅଯୋଗ୍ୟକୁ ସାଧୁସନ୍ଥ ବୋଲି ବର୍ଣନା କରନ୍ତି | କାଲି ଥିଲା ଚୋର, ଖଣ୍ଟ, ଦାଗି ଅସାମାଜିକ, ତାକୁ ସାଧୁ ବୋଲି ବର୍ଣନା କରନ୍ତି | ଏହାର ସୁବିଧା ନେଇ ବିଭିନ୍ନ ସମୟରେ ଶାସକ ଗୋଷ୍ଠୀ ତାଂକୁ ସୁହାଇବା ଭଳି ତଥ୍ୟକୁ ଆଣି ସତ୍ୟକୁ ଲୁଚାଇ ତାକୁ କଦର୍ଥ କରିଥାନ୍ତି |
ଇତିହାସ ଖାଲି ଅତୀତର ବୀର ଗୋୖରବ ଗାଥାକୁ ଗାନ କଲେ ଓ କାଳି କାର୍ଯ୍ୟକୁ ଲୁଚାଇଲେ, ଇତିହାସର ପୃଷ୍ଠାକୁ ଉନ୍ମୋଚନ କଲେ ମଣିଷ ସମଗ୍ର ପୃଥିବୀର ଘଟଣା ଜାଣିବାକୁ ପାଇବ ନାହିଁ | ଇତିହାସ ବାସ୍ତବତାକୁ ଆଲୋକକୁ ଆଣିବ ନାହିଁ | ଇତିହାସ କଦର୍ଥ ହେଲେ ଭବିଷ୍ୟତର ଦୈନନ୍ଦିନ ଜୀବନ ଧାରାକୁ ମଣିଷ ପରିଚାଳିତ କରି ପାରେନା | ମିଛ ସଂସ୍କୃତିକୁ ଦ୍ୱାହି ଦେଇ ଅହିଂସା ପଥକୁ ବର୍ଜିତ କରି ହିଂସାକୁ ସମାଜ ଗ୍ରହଣ କରେ ଓ ବୁଦ୍ଧି ଜ୍ଞାନ ପାସୋରି ଲହୁର ରଙ୍ଗରେ ଖେଳେ | ଫଳ ସ୍ୱରୂପ ଶୋଷଣ କଷଣ ବଢ଼ି ବଢ଼ି ଚାଲେ | ଅସତ୍ୟର ହାଟରେ ସତ୍ୟର ବିକ୍ରି ହୁଏ | ଦୋଷୀର ଗଳାରେ ଶୋଭେ ଫୁଲହାର ଓ ନିର୍ଦ୍ଦୋଷୀ ସଜା ପାଏ | ବିବେକକୁ ଦିଅନ୍ତି ବଳି | ଅଶାନ୍ତିର ଅନ୍ଧାରରେ ମଣିଷ ଚାଲେ | ମିଛ ଇତିହାସରେ ଭାସି ଯାଇ ସପନ ପୁରଣ ପାଇଁ ଗୋଟି ଗୋଟି ତାକୁ ପୂର୍ଣ୍ଣ କରିବାକୁ ଯୋଜନାକୁ ଗଢିଲେବି ଯୋଜନା ହୁଏନି ସାକାର | ତେଣୁ କୁହାଯାଏ History repeats itself.
ଚିତ୍ତ ରଞ୍ଜନ ନନ୍ଦ
କଟକ
