କାଶତଣ୍ଡି

ସବୁଜ ଶାଢୀରେ ଧରଣୀରାଣୀ

    ଦିଶେ ସୁନ୍ଦର

ଶରତର ଆଗମନରେ

    ଖୁସି ହୁଏ ଅପାର।1।

କାଶତଣ୍ଡି ଫୁଟି ଶୁଭ୍ରତା

    ତନୁ ତା ମନୋହର

ମାତାଙ୍କ ସ୍ୱାଗତ ପାଇଁଯେ

   ଏହା ବେଶ ତାହାର।2।

ବିଲ ମାଳେ ହସି ଉଠିଣ

   ଦିଏ ସଭିଙ୍କୁ ବାର୍ତ୍ତା

ଧରଣୀ କୁ ମାତା ଆସିବେ

   ଶୁଣସର୍ବେ ମୋ କଥା।3।

ହିଂସା ଦ୍ଵେଷ ରାଗ କ୍ରୋଦ୍ଧକୁ

   ସର୍ବେ ଦୁରେଇ ଦିଅ

ମାତାଙ୍କ ସ୍ୱାଗତ ପାଇଁରେ

   ସର୍ବେ ପ୍ରସ୍ତୁତ ହୁଅ।4।

କାଶତଣ୍ଡି ପରି ସ୍ୱଚ୍ଛତା 

    ଆଣ ହୃଦ ମଧ୍ୟରେ

ପରକୁ ଆପଣା କରରେ

   ସଦା ମିଠା କଥାରେ।5।

କାଶତଣ୍ଡି ପରି ଜୀବନ

   ଆମ ଦୁଇ ଦିନର

କିଏସେ ଏଠାରେ ନିଜର

   ପୁଣି କିଏ ବା ପର।6।

ହସି ହସାଇଣ ସଭିଙ୍କୁ

   ପାଅ ସଭିଙ୍କ ସ୍ନେହ

ଆଶୀର୍ବାଦ ମାତା କରିବେ

   ସର୍ବେ ପ୍ରଫ୍ଫୁଲ ହୁଅ।7।

ନନ୍ଦିନୀ ରାଉତ