ଜଣାଣ
ମାନଗୋବିନ୍ଦ ସ୍ବାଇଁ
ସବୁରି ଉପରେ ତୁମରି ନାମରେ
ଚାଲିଛି ସଂସାର କଳ
ଚାଳକ ତୁମେ ତ ରହିଛୁ ଆମେତ
ସଭିଙ୍କୁ ଦେଇଛ ବଳ।
ଶକ୍ତିବି ଦେଇଛ ମୁକ୍ତିବି କରିଛ
ତୁମେ ହୁଅ ବଡଦୟା
ବିପଦ ଆପଦେ ଠିଆ ହୋଇ ଅଛି
ଜଗତକୁ ଦିଅ ସାହା।
ତୁମକୁ ଛାଡ଼ି ମୁଁ ବଞ୍ଚି ପାରେନାହିଁ
ତୁମେ ଏକା ମୋର ପ୍ରଭୁ
ଯେଉଁଠି ଯାଇଛି ତୁମ ନାମ ଧରି
ଉପକାର ପାଇ ସବୁ।
ଦୋଷ ତ୍ରୁଟି ଥିଲେ ମାର୍ଜନା କରିବ
ଶରଣ ମୁଁ ପାଦ ତଳେ
ଭାଗ୍ୟ ଥିଲେ ଯିବି ପ୍ରଭୁ ତୁମ ପାଶେ
ଭେଟ ହେବା ନିଳାଞ୍ଚଳେ।
ମିଳନ ସ୍ଥଳି ମୋ ଦେଉଳ ମନ୍ଦିର
ଭାବ ଦିଆ ନିଆ ହରି
ସ୍ମରଣେ ଆସଇ ସପନେ କହଇ
ଶୁଣ ମୋ ବିଶ୍ବ ଗୁହାରୀ।
ଜାଣି ବୁଝି କଥା ଅନୁଭବ କରି
ସର୍ବେ ଦେ ଶାନ୍ତନା ବାଣୀ
ହସଖୁସି ରହୁ ଯେତେ ଦିନ ଥିବା
ସରବେ ସକଳ ପ୍ରାଣୀ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା