ମାଆ ବିରଜାଙ୍କ
ବିଶେଷ ପାର୍ବଣ
(ରାଗ-ବରାଡି ଆଷାଢ଼ ଶୁକ୍ଳ ବାଣୀ )
ଉମାକାନ୍ତ ଦାସ
ଭାଦ୍ରବର ଅନ୍ତେ ଆଶ୍ଵିନ ଆସେ।
ଶାରଦୀୟ ଦୁର୍ଗା ପୂଜା ପ୍ରବେଶେ ।
ଦେବୀଙ୍କର ମହା ପୂଜା ଅଟଇ।
ବିବିଧ ଭାବରେ ଲୀଳା ଲାଗଇ।
ଗଦାକ୍ଷେତ୍ର ଠାରେ।
ପଲ୍ଲବ ତନ୍ତ୍ରୋକ୍ତ ବିଧିବିଧାନେ ।।(୧)
ଆର୍ଦ୍ରାନକ୍ଷତ୍ର ଯୁକ୍ତ ମୂଳାଷ୍ଟମୀ ।
କୃଷ୍ଣପକ୍ଷ ମଧ୍ଯେ ମହାନବମୀ ।
ଷୋହଳ ବ୍ରାହ୍ମଣ କରନ୍ତି ପୂଜା ।
ଷୋହଳ ଦିନ ନେଉ ମା” ତୁ ମଜ୍ଜା।
ବୈତରଣୀ କୂଳେ।
ବସିଛୁ ମାଆ ତୁ ହୋଇ ମଉନେ।(୨)
ମଣ୍ଡପେ ରଖି ଷୋହଳ କଳସ ।
ଷୋହଳ ପୂଜାରେ ହେଉ ହରସ ।
ପଢାହୁଏ ବନଦୁର୍ଗାଙ୍କ ମନ୍ତ୍ର ।
ଷୋହଳ ଉପଚାରେ ତୁ ହିଁ ଶାନ୍ତ ।
ତୁ ବିରଜା ମାତ।
ବାରୁଣୀ ତୀର୍ଥେରେ ଅଛୁ ମଗନେ।୩
ମହାଷ୍ଟମୀ ରାତ୍ରେ ହେଉ ସନ୍ତୋଷ।
ଉଗ୍ରଚଣ୍ଡାମନ୍ତ୍ର ଶୁଣୁ ବିଶେଷ ।
ନବମୀ ରାତ୍ରରେ ଅତୁଟ ମନ୍ତ୍ର ।
ମହାମାରୀ ମନ୍ତ୍ରେ ହେଉ ତୁ ଶାନ୍ତ ।
ସଂକଟ ହାରିଣୀ ।
ଏ ମହାମାରୀକୁ ଦେଖୁ ନୟନେ ।୪
ପ୍ରତିପଦ ଠାରୁ ମହାନବମୀ ।
ଲାଖବିନ୍ଧା ପର୍ବ ହୁଅଇ ପୁଣି ।
ନବଦିନାତ୍ମକ ରଥ ଯାତରା ।
ଚହଳ ପକାଏ ଓଡ଼ିଶା ସାରା।
ଅଛି ତୋ ପୀଠରେ।
ସର୍ବ ଶକ୍ତିପୀଠୁ ତୁ ଆକର୍ଷଣେ ।୫
ମହାମାରୀ ପୂଜା ତୁ ପରା ପାଉ।
ଜଗତ କଲ୍ଯାଣୀ ବିଦିତ ହେଉ ।
ସଂସାରେ କରୋନା ପ୍ରାଣ ନିଅଇ।
ନେତ୍ର ବୁଜି କିମ୍ପା ବିସିଛୁ ତୁହି ।
ତୁ ନିଷ୍ଠୁର ଦେହୀ ।
କାହିଁକି ପୂଜିବେ କେଉଁ କାରଣେ ।୭
ମା” ସିନା ସେହି ଜଗତେ ଅଟଇ।
ସନ୍ତାନେ ବାତ୍ସଲ୍ୟ ମମତା ଦେଇ ।
ଏ ଘୋର ସଂକଟ ଦେଖୁ କିମ୍ପାଇଁ।
କି କାରଣେ ଦଣ୍ଡୁ ମାନବେ ତୁହି।
ତୁ ରଖ ଜଗତ।
ସଂସାର ଉଜୁଡି ଯାଉଛି କ୍ଷଣେ ।(୮)
ଲାଲାବାଗ ,ଖାନନଗର
ମଙ୍ଗଳ ପୁର ,ଯାଜପୁର
