ପାପଡାହାଣ୍ଡି,2/10,ମନିସ — କରୋନାର ଦୁଇ ବର୍ଷ ପରେ ଚଳିତ ବର୍ଷରେ ଦଶହରା ଲାଗି ଚଳ ଚଞ୍ଚଳ ହୋଇଉଠିଛି ନବରଙ୍ଗପୁର ଜିଲ୍ଲାର ପାପଡାହାଣ୍ଡି ସହର | ଲୋକଙ୍କ ଲାଗି ମୁଖ୍ୟ ଆକର୍ଷଣ ରହିଛି, ବସଷ୍ଟାଣ୍ଡର ସାର୍ଵ ଜନିନ ପୂଜା କମିଟିର ରାଜସ୍ଥାନର ରାଜମହଲ କୁ ନୀଳକଣ୍ଠେସ୍ୱର ମନ୍ଦିର ପ୍ରାଙ୍ଗଣରେ ଥିବା ଶ୍ରୀଦୁର୍ଗାପୂଜା କମିଟିର ଅକ୍ଷରଧାମ ତୋରଣ | 
ଅକ୍ଷର ଧାମ ତୋରଣର ଉଚ୍ଚତା 70 ଫୁଟ ଥିବା ବେଳେ ଚଉଡା 80ଫୁଟ ରହିଛି |ଏହି ତୋରଣ ତିଆରି କରିବାକୁ କୋଲକତାର କାରିଗର ମାନେ ଆସିଛନ୍ତି | ଲାଇଟ ସାଜ ସଜ୍ଜା ପାଇଁ କଟକର କାରିଗର ମାନେ ଆସିଛନ୍ତି | ସେହିପରି ବସଷ୍ଟାଣ୍ଡ ତୋରଣ ଉଚ୍ଚତା 70 ଓ ଚଉଡା 90ଫୁଟ ରହିଛି | ଢେଙ୍କାନାଳର କାରିଗର ମାନେ ଆସିଥିବା ବେଳେ ଲାଇଟ ଲାଗି କଲକତାର କାରିଗର ମାନେ ଆସିଛନ୍ତି | ଉଭୟ ପୂଜା କମିଟି ତରଫରୁ ବସଷ୍ଟାଣ୍ଡ ଛକରୁ ଭୈରବ ମନ୍ଦିର ପର୍ଯ୍ୟନ୍ତ ଲାଇଟ ସଯାଯାଇଛି | ଶ୍ରୀ ଶ୍ରୀ ଦୁର୍ଗା ପୂଜା କମିଟି ତରଫରୁ ଦଶହରାରେ ରାବଣ ପୋଡି କାର୍ଯ୍ୟକ୍ରମ ରଖା ଯାଇଛି |ଅର୍କେଷ୍ଟ୍ରା ସହ ଦେଶିଆ ନାଚର ମଧ୍ୟ ଆୟୋଜନ କରାଯାଇଛି | ପ୍ରତି ବର୍ଷ ପରି ଚଳିତ ବର୍ଷର ଦଶହରା ଲାଗି ଅଭିଭକ୍ତ କୋରାପୁଟ ସହ କଳାହାଣ୍ଡି, ଛତିଶଗଡ଼ ଅଞ୍ଚଳର ଲୋକ ମାନେ ଆସିଥାନ୍ତି | 
ଉଭୟ ପୂଜା କମିଟି ତରଫରୁ ଶାନ୍ତି ପୁର୍ଣ ଦଶହରା ଲାଗି ଆଲୋଚନା ହୋଇଛି | ଲୋକଙ୍କ ମନରଞ୍ଜନ ଲାଗି ମିନା ବଜାର ଓ ସହରର ମୁଖ୍ୟ ରାସ୍ତାର ଉଭୟ ପାର୍ଶ୍ୱ ରେ ଉଠାଦୋକାନୀଙ୍କ ପସରା ଲାଗିଲାଣି | ରବିବାର ଷଷ୍ଠି ପୂଜା ଅନୁଷ୍ଠିତ ହୋଇଯାଇଛି | ଚଳିତ ବର୍ଷ ଲକ୍ଷା ଧିକ ଭକ୍ତଙ୍କ ସମାଗମ ହେବାର ସମ୍ବାବନା ରହିଛି |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
