ଢେ଼ଙ୍କାନାଳ (ମ ନି ସ) ଗଁଦିଆ ବ୍ଲକ ଅନ୍ତର୍ଗତ ପିଙ୍ଗୁଆ ଗ୍ରାମର ଗ୍ରୀନ ପାର୍କ ମିନି ଷ୍ଟାଡିଅମ ରେ ୩୮ତମ ପିଙ୍ଗୁଆ କପ ଟି-୨୦ କ୍ରିକେଟ ଉଦଘାଟିତ ହୋଇଯାଇଛି।ଏଥିରେ ମୁଖ୍ୟ ଅତିଥି ଭାବରେ ଗଁଦିଆ ପଂଚାୟତ ସମିତିର ଅଧ୍ୟକ୍ଷା ଶ୍ରୀମତୀ ରିନାରାଣୀ ଖଟୁଆ ଯୋଗଦାନ କରିଥିଲେ।ସମ୍ମାନିତ ଅତିଥି ଭାବରେ ସ୍ଥାନୀୟ ସମିତି ସଭ୍ୟ ଶ୍ରୀନିବାସ ସାହୁ, ପୂର୍ବତନ ସରପଞ୍ଚ ଆମ୍ବୁଜ କୁମାର ସାହୁ,ସାମାଜିକ କର୍ମୀ ମନୋଜ ବେହେରା ଯୋଗଦେଇଥିଲେ।ଅନୁଷ୍ଠାନର ସଭାପତି କେଶବ ଚନ୍ଦ୍ର ବାରିକ,ସମ୍ପାଦକ ପୀତବାସ ବାରିକ ଏହି ଉତ୍ସବରେ ସକ୍ରିୟ ଅଂଶ ଗ୍ରହଣ କରିଥିଲେ। ଆଜିର ଉଦଘାଟନ ମ୍ୟାଚ ରେ ବିସିସି ଭୁବନ ,ଟିସିସି କଟକକୁ ଭେଟିଥିଲା। ଟସ ହାରି ଭୁବନ ଦଳ ନିର୍ଦ୍ଧାରିତ ୨୦ ଓଭରରେ ୭ଗୋଟି ୱିକେଟ ହରାଇ ୩୦୦ ରନ ସଂଗ୍ରହ କରିଥିଲା।ଦଳ ତରଫରୁ ମନୋଜ ସେଠି ଆକର୍ଷଣୀୟ ୧୨୭ ରନ ଓ ଶୁଭେନ୍ଦୁ କୁମାର ୫୦ ରନର ଉପଯୋଗୀ ଇନିଂସ ଖେଳିଥିଲେ।କଟକ ଦଳର ଏମ ଡି ସଲିମ ଓ ସନ୍ଦୀପ ମିଶ୍ର ୨ ଟି ଲେଖାଏ ଉଇକେଟ ଅକ୍ତିଆର କରିଥିଲେ।୩୦୧ରନର ବିଜୟ ଲକ୍ଷ୍ୟ ନେଇ କଟକ ନିର୍ଦ୍ଧାରିତ ଓଭରରେ ୯ ଉଇକେଟ ହରାଇ ୨୩୩ ରନ କରିବାକୁ ସମର୍ଥ ହୋଇଥିଲେ।ବିଜୟୀ ଦଳର ମନୋଜ ସେଠି ମ୍ୟାନ ଅଫ ଦି ମ୍ୟାଚ ଘୋଷିତ ହୋଇଥିଲେ। ଆସନ୍ତା କାଲିର ମ୍ୟାଚ ବଡଚନା ଓ କିଆଝର ମଧ୍ୟରେ ଅନୁଷ୍ଠିତ ହେବ ବୋଲି ଆୟୋଜକ ଙ୍କ ଠାରୁ ପ୍ରକାଶ।
ଢେ଼ଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀ ଙ୍କ ସହ ପ୍ରହଲ୍ଲାଦ ମୁଦୁଲି ଙ୍କ ରିପୋର୍ଟ୍
