ଏହି ଦୁନିଆଁକୁ ଆଣିଥିଲ ମତେ
ସୁରେନ୍ଦ୍ର କୁମାର ବେହେରା
ଏହି ଦୁନିଆଁକୁ ଆଣିଥିଲ ମତେ
ନିଳାଦ୍ରୀ କଳା ଗୋସାଇଁ
ଦୁଃଖ ସାଗରରେ ନିତି ମୁଁ ଭାସୁଛି
ପାରିକରି ଦିଅ ସାଇଁ ।0।
ଦୁନିଆଁ ଦାଣ୍ଡରେ ନିତି ଲୋକହସା
ହାତ ପାତି ଏଠି ସେଠି
କିଏ କେତେକଣ ଖାଉଛି ପିନ୍ଧୁଛି
ମୋକପାଳେ ପୋଡା ରୁଟି
ତୁମ ବିନା ପ୍ରଭୁ କେହିଜଣେ ମୋର
ଆପଣାର ଏଠି ନାହିଁ
ଏହି ଦୁନିଆଁକୁ ଆଣିଥିଲ ମତେ
ନିଳାଦ୍ରୀ କଳା ଗୋସାଇଁ ।1।
ଦୁଃଖୀ ମଣିଷକୁ ସଂସାର ହାଟରେ
ନେଉଛ କେତେ ପରୀକ୍ଷା
ଅମଡା ବାଟରେ ହୁଏ ବାଟ ବଣା
ଭାବଗ୍ରାହୀ ବାଟ ଦେଖା
ଆହେ ପ୍ରାଣସଖା କରି ଅଣଦେଖା
କନ୍ଦାଉଛ ଏତେ କାହିଁ
ଏହି ଦୁନିଆଁକୁ ଆଣିଥିଲ ମତେ
ନିଳାଦ୍ରୀ କଳା ଗୋସାଇଁ ।2।
ସୁରେନ୍ଦ୍ର କୁମାର ବେହେରା
ଜିତିପୁର ,ହରିପୁର ହାଟ ,ଯାଜପୁର