ରାଉରକେଲା/ ଦୀପିକା ଇଂରାଜୀ ମାଧ୍ୟମ ବିଦ୍ୟାଳୟରେ ଚାଲିଥିବା ୧୩ତମ ରାଜ୍ୟସ୍ତରୀୟ ମାର୍ଶଲ ଆର୍ଟ ଚମ୍ପିୟାନସିପ ଉଦଯାପିତ ହୋଇଯାଇଛି । ଓରିଏଣ୍ଟାଲ ମାର୍ଶଲ ଆର୍ଟ ଏକାଡ଼େମୀ ଓ କ୍ବାନକି ଡୁ ଆସୋସିଏସନ୍ ଓଡିଶା ମିଳିତ ସହଯୋଗରେ ଏହା ପରିଚାଳିତି ହୋଇଥିଲା। ଓରିଏଣ୍ଟାଲ ମାର୍ଶଲ ଆର୍ଟ ର ସାଧାରଣ ସଂପାଦକ ସଚ୍ଚିଦାନନ୍ଦ ବିଶ୍ବାଳ ଓ କ୍ବାନକି ଡୁ ଆସୋସିଏସନ୍ ର ସଭାପତି ସୁଦାମ କୁମାର ପ୍ରଧାନ ସୁନ୍ଦରଗଡ ଜିଲ୍ଲା କୋଚ ବିଶ୍ବଜିତ ବାରିକ, ରାଉରକେଲା କୋଚ ଗୋଲକ ବେହେରା,କୋଚ ଗାଡୁ ବାଗ୍,ଦେବେନ୍ଦ୍ର ପ୍ରଧାନ,
ଜେଠୋ ଖାଲକୋ,ଧର୍ମେନ୍ଦ୍ର ସିଂ, ଶିବପ୍ରସାଦ ନାଥ, ସତ୍ୟ ପ୍ରକାଶ ପଣ୍ଡା, କାର୍ଯ୍ୟକ୍ରମ ସଂପାଦକ ଅଜୟ ରାଠୋର,ଶୁଭ୍ରାଂଶୁ ଆଚାର୍ଯ୍ୟ ଓ ରୋହିତ କୁମାର ଦୀପ୍ ତତ୍ତ୍ବାବଧାନରେ ସମସ୍ତ କାର୍ଯ୍ୟ ପରିଚାଳିତ ହୋଇଥିଲା । ଏହି ପ୍ରତିଯୋଗିତାରେ ରାଜ୍ୟର ୧୩ଟି ଜିଲ୍ଲା ସୁନ୍ଦରଗଡ, ବରଗଡ,ଝାରସୁଗୁଡା, ସମ୍ବଲପୁର,ବଲାଙ୍ଗିର, କୋରାପୁଟ,କଳାହାଣ୍ଡି,କନ୍ଧମାଳ,ରାୟଗଡା,ପୁରୀ,କଟକ,ଖୋର୍ଦ୍ଧା ଓ ଢେଙ୍କାନାଳ ଜିଲ୍ଲାରୁ ୩୩୧ଜଣ ଖେଳାଳି ଅଂଶଗ୍ରହଣ କରିଥିବା ବେଳେ ୨୪୦ଜଣ ପୁଅ ଓ ୯୧ଜଣ ଝିଅ ଥିଲେ । 
ସେଥିମଧ୍ୟରୁ ତାଏକୋଣ୍ଡୋ ରେ ୯୦ଜଣ,କ୍ବାନକି ଡୋ ରେ୧୫୦ ଜଣ,କରାଟେ ରେ ୬୦ ଜଣ ଓ କିକ୍ ବକ୍ସିଂ ରେ ୩୧ଜଣ ପ୍ରତିଯୋଗୀ ଭାଗ ନେଇଥିଲେ । ଦୁଇଦିନଧରି ଚାଲିଥିବା ଏହି ପ୍ରତିଯୋଗିତାରେ ଉଦଘାଟନୀ ଦିନ ରାଉରକେଲା ଅତିରିକ୍ତ ଜିଲ୍ଲାପାଳ ଡଃ ଶୁଭଙ୍କର ମହାପାତ୍ର ମୁଖ୍ୟଅତିଥି, ସତ୍ୟବ୍ରତ ଓଝା,ଦୀପିକା ବିଦ୍ୟାଳୟର ଅଧ୍ୟକ୍ଷ ପ୍ରବୀଣ କୁମାର ଶର୍ମା ଓ ଉଦଯାପନୀ ସଂଧ୍ୟାରେ ଆରଏସପିର ଇଡି ପ୍ରମୋଦ କୁମାର ଶତପଥୀ, 
ବିଦ୍ୟାଳୟର ଅଧ୍ୟକ୍ଷ,ଉପାଧ୍ୟକ୍ଷା ଅଞ୍ଜଳି ଶତପଥୀ ପ୍ରମୁଖ ଯୋଗଦେଇ କୃତୀ ଖେଳାଳି ଙ୍କୁ ପଦକ ଓ ପ୍ରମାଣପତ୍ର ପ୍ରଦାନ କରିଥିଲେ । ସୁନ୍ଦରଗଡ ଜିଲ୍ଲା ଦଳଗତ ଚମ୍ପିୟାନ, ବଲାଙ୍ଗୀର ଜିଲ୍ଲା ପ୍ରଥମ ରନର୍ସ ଅପ, ଭବାନୀପାଟଣା ଦ୍ବିତୀୟ ରନର୍ସ ଅପ,କନ୍ଧମାଳ ଜିଲ୍ଲା ତୃତୀୟ ରନର୍ସ ଅପ ହୋଇଥିଲା ବେଳେ ରାଉରକେଲା କୋଏଲନଗର ବ୍ରାଞ୍ଚରୁ ଆଲୋକ ପ୍ରଧାନ ଫାଇଟିଂରେ ସ୍ବର୍ଣ୍ଣ ଓ କାତାରେ ରୌପ୍ଯ ପଦକ ହାସଲ କରିଥିଲେ । ସମଗ୍ର ପ୍ରତିଯୋଗିତାରେ ବୈଭବ ଆଚାର୍ଯ୍ୟ ସ୍ବର୍ଣ୍ଣ ଓ ଅଂଶୁମାନ ପାଣି ରୌପ୍ଯ ପଦକ ହାସଲ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
