ବାଲେଶ୍ଵର,୨୧/୧୦/୨୨- ବସ୍ତା ଜିଲ୍ଲା ଶିକ୍ଷା ଅଧିନରେଥିବା ଇଡିଦା ଗୋଲକ ନାରାୟଣ ଉଚ୍ଚ ସରକାରୀ ବିଦ୍ଯାଳୟରେ ୧୬ଟି ବିଦ୍ଯାଳୟକୁ ନେଇ ଶିଶୁ ମହୋତ୍ସବ ସୁରଭି -୨୦୨୨ ଅନୁଷ୍ଠିତ ହୋଇଯାଇଛି । ସିଆର ସି. ସି. ବିଜୟ ଚକ୍ରବର୍ତ୍ତିଙ୍କ ତତ୍ତ୍ବାବଧାନରେ ଅନୁଷ୍ଠିତ କାର୍ଯ୍ଯକ୍ରମରେ ଗୋଲକ ନାରାୟଣ ସରକାରୀ ଉଚ୍ଚ ବିଦ୍ଯାଳୟର ପ୍ରଧାନ ଶିକ୍ଷକ ଚୈତନ୍ୟ କୁମାର ସାହୁଙ୍କ ସଭାପତିତ୍ବରେ ଏକ ବନ୍ଯାଢ୍ଯ ପରିବେଶରେ କଷ୍ଟର ସ୍ତରୀୟ ସୁରଭି କାର୍ଯ୍ଯକ୍ରମର ଆୟୋଜନ ହୋଇଥିଲା । ପ୍ରାରମ୍ଭରେ ସୁରଭି କାର୍ଯ୍ଯକ୍ରମର ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଜିଲ୍ଲାପରିଷଦ ସଦସ୍ଯା ସୁଜାତା ଦଣ୍ତପାଟ ଯୋଗ ଦେଇ ଥିବାବେଳେ ମୂଖ୍ଯବକ୍ତା ଧିରେନ୍ଦ୍ର ନାରାୟଣ ପ୍ରହରାଜ ଯୋଗଦେଇ ଜଗନ୍ନାଥଙ୍କ ବିଗ୍ରହରେ ଧୂପଦୀପ ଓ ଫୁଲଦେଇ କାର୍ଯ୍ୟକ୍ରମକୁ ଉଦଘାଟନ କରିବା ସହ ସୁରଭି ମାଧ୍ୟମରେ ଲୋକାୟିତ ପ୍ରତିଭା ଅନ୍ନେଶ୍ବଣ କରି ପିଲାମାନଙ୍କର ପ୍ରତିଭାର ବିକାଶ ଘଟିଥାଏ ବୋଲି ଅତିଥିମାନେ କହିଥିଲେ । ସମ୍ମାନୀତ ଅତିଥି ସ୍ଥାନୀୟ ସରପଞ୍ଚ ପ୍ରତିନିଧି ଦେବି ପ୍ରସନ୍ନଭଞ୍ଜ, ଏସ ଏମ ସି ସଭାପତି ସଞ୍ଜିବ କୁମାର ଦାସ, ଯୋଗ ଦେଇଥିଲେ । ଏହି ଉତ୍ସବରେ କ୍ଲଷ୍ଟର ଅନ୍ତର୍ଗତ ୧୬ ଟି ବିଦ୍ୟାଳୟର ଛାତ୍ରୀଛାତ୍ର ବିଭିନ୍ନ ପ୍ରତିଯୋଗିତା ଯଥା- ନାଚ, ଗୀତ, ଏକକ ଅଭିନୟ, ସୂତ୍ରଲିଖନ, ଚିତ୍ରାଙ୍କନ ଓ କୁଇଜ ପ୍ରତିଯୋଗିତା ୧୨ଶହ ଛାତ୍ରଛାତ୍ରୀ ମଧ୍ଯରୁ ୫ଶହ ୫୦ଜଣ ଅଂଶଗ୍ରହଣ କରିଥିଲେ । ଶିକ୍ଷୟତ୍ରୀ ମଞ୍ଜୁରାଣୀ ମହାପାତ୍ର, ଝରଣା ଦାସ, ମିନତୀ ରଣା, ଲୋପିତା ପାତ୍ର, ଅନୁରାଧା ବେହେରା, ଶିକ୍ଷକ ଗୋପାଳ କୃଷ୍ଣ ସାମଲ, ଜୟକୃଷ୍ଣ୍ଣ ନାୟକ, ଅଜୟକୁମାର ଗୋଛାୟତ, ପୂର୍ଣ୍ଣ ଚନ୍ଦ୍ର ଦାସ, ଶ୍ରୀଧର ସିଂ, ଅରୁଣ କୁମାର ଜେନା ପ୍ରମୁଖ ଉପସ୍ଥିତ ଥିଲେ । କମଳାକାନ୍ତ ଦାସ, କାର୍ତ୍ତିକ ଚରଣ ଦାସ, ସରୋଜ ବାରିକ ପରିଚାଳନା କରିଥିଲେ । ବିଦ୍ଯାଳୟର ଛାତ୍ରଛାତ୍ରୀଙ୍କ ଦ୍ବାରା ଆବାହନି ସଂଙ୍ଗୀତ ପରିବେଷଣ ହୋଇଥିଲା । ପୁରସ୍କାର ବିତରଣ ଉତ୍ସବରେ କୃତି ଛାତ୍ରଛାତ୍ରୀ ମାନଙ୍କୁ ଅତିଥିମାନଙ୍କ ଦ୍ବାରା ସାଟିଫିକେର୍ଟ ପ୍ରଦାନ କରାଯାଇଥିଲା । ଶେଷରେ ଶିକ୍ଷକ କାଳିଚରଣ ସେନାପତି ଧନ୍ଯବାଦ ଦେବାପରେ କାର୍ଯ୍ଯକ୍ରମ ଶେଷ ହୋଇଥିଲା ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ