ଶିଶିର ବିନ୍ଦୁ
ନନ୍ଦିନୀ ରାଉତ
ମୁକ୍ତାର ପସରା ସଜାଇ ହେମନ୍ତ
ଆସିଛି ଧରିତି ପରେ
ସ୍ୱାଗତ ଜଣାଏ କୃଷକ ତାହାକୁ
ସ୍ବର୍ଣ୍ଣିମ ଧାନକେଣ୍ଡାରେ।1।
ପହିଲି ଶୀତର ପରସ ପାଇଣ
ଉଲ୍ଲସିତ ତରୁତୃଣ
ପୁଷ୍ପରେ ମଣ୍ଡିତ ହୋଇଛି ଧରଣୀ
ସତେ ନବବଧୂ ସମ।2।
ଶିଶିରବିନ୍ଦୁ ଟି ପଲ୍ଲବରେ ପଡି
ଢଳଢଳ ହୋଇଥାଏ
ଆବଳ ବନିତା ସଭିଙ୍କ ହୃଦକୁ
ଧୀରେ ଚହଲାଇ ଦିଏ।3।
ଗେଣ୍ଡୁ ଗୋଲାପରେ ଗଭାକୁ ସଜାଇ
ମୁକୁତା ଟୀକା ନାଇଛି
ନାଲି ଓଢଣୀରେ ପ୍ରଭାତ ଧରଣୀ
ଆପେ ସଜେଇ ହୋଇଛି।4।
ପଲ୍ଲବରେ ଢଳଢଳ ବିନ୍ଦୁପାଇଁ
ବାଳକେ ତତ୍ପର ହୋଇ
ପ୍ରଭାତରୁ ଉଠି ଧାବନ୍ତି ଉଲ୍ଲସି
ପ୍ରଭାତ ବନ୍ଦନା ଗାଇ।5।
କିଏ ସଜାଇଲା ଶିଶିରବିନ୍ଦୁକୁ
ଧରଣୀ ରାଣୀ କପୋଳେ
ନିରେଖି ନିରେଖି ଦେଖୁଛି ଭାବୁକ
ବସିଛି ପ୍ରକୃତି କୋଳେ।6।
ଧନ୍ୟ ଚିତ୍ରକର ରଙ୍ଗତୁଳି ଯାର
ସଭିଙ୍କ ହୃଦୟ ଛୁଏଁ
ଶିଶିର ବିନ୍ଦୁକୁ କେତେ ଭଲପାଏ
ପାଉଥିବି ମଲାଯାଏ।7।
ବାଲିପଟ୍ଟା,ଅନୁଗୋଳ