ଜୟ ଜଗନ୍ନାଥ
ସାଧୁସନ୍ଥଙ୍କ ଚରଣେ କରଇ ପ୍ରଣାମ
ଭୁବନ ଦାଣ୍ଡ ସାଜିଛି ଗୋପ ବୃନ୍ଦାବନ
ସନ୍ଥ ଗୋସ୍ବାମୀ ରମଣାନନ୍ଦ ସରସ୍ଵତୀ
ଆସିଛନ୍ତି ଭୁବନକୁ ବାଣ୍ଟିବାକୁ ଶାନ୍ତି
ଜ୍ଞାନସିକ୍ତ ବାଣୀସ୍ପୁରେ ମହାତ୍ମା ମୁଖରୁ
ଶାନ୍ତି ବାର୍ତ୍ତା ବହିଆସେ ମୁଖ ମଣ୍ଡଳରୁ
ମାନବସେବା କରନ୍ତି କଲ୍ୟାଣ ବାଣ୍ଟନ୍ତି
ଯୁଗପୁରୁଷ ଯୋଗଜନ୍ମା ସନ୍ଥ ସେ ଅଟନ୍ତି
ଅମୃତବାଣୀ ସିଞ୍ଚନ୍ତି ବରଷଇ ମଧୁ
ହୋଇଛନ୍ତି ଉପସ୍ଥିତ ବୃନ୍ଦାବନ ସାଧୁ
ଭୂବନେ ରାଧାକୃଷ୍ଣଙ୍କ ବାଣୀ ରସସିକ୍ତ
ପିଅନ୍ତି ଭକତ ବୃନ୍ଦ ହୋଇ ଆନନ୍ଦିତ
ଜ୍ଞାନ ଯଜ୍ଞର ମହିମା ଅପୂର୍ବ ମଣ୍ଡଣୀ
ଶିହରଣ ଖେଳିଯାଏ ଶୁଣି ସାଧୁବାଣୀ
ବହୁ ସାଧୁ ଉପସ୍ଥିତ ଦିଶେ କେଡେ ଶୋଭା
ଭୁବନେ ଉଇଁ ଆସିଛି ପୂର୍ଣ୍ଣଚନ୍ଦ୍ର ଅବା
ଆସଆସ ସର୍ବେ ନେବା ଜ୍ଞାନର ଆଳତି
ଜୀବ ପରମ ଲଭିବେ ଶାନ୍ତି ସହ ତୃପ୍ତି
ଅଲୌକିକ ଶୋଭା ସାଥେ ଜ୍ଞାନ ବିବରଣୀ
ହୋଇବ ଜନ୍ମ ସାର୍ଥକ ସନ୍ଥବାଣୀ ଶୁଣି
ଆସଆସ ଭକ୍ତ ସର୍ବେ ହୋଇଣ ଏକତ୍ର
କଳିରେ ଲଭିବା ଗତି, ମୁକ୍ତି,ମୋକ୍ଷ, ତତ୍ତ୍ଵ
ସାଧୁସନ୍ଥ ବାଣୀ ଶୁଣି ହୋଇବା କୃତାର୍ଥ
ଆତ୍ମା ସାଥେ ପରମାତ୍ମା ଲଗାଇଣ ଚିତ୍ତ
ସ୍ୱାର୍ଥ ଜଡ଼ିତ ଦେହକୁ ଆହୁତି ହେ ଦେବା
ଭାଗବତ ଗୀତାବାଣୀ ସାର୍ଥକ ଲଭିବା
ଧନ୍ୟ ପବିତ୍ର ପୁରୁଷ ଧନ୍ୟ ହେ ଚରିତ୍ର
ଶିକ୍ଷା ଦେଇ ସତ ମାର୍ଗ ଖଣ୍ଡୁଛ ଦୂରିତ
ଲୋମ ପୁଲ୍ଲକିତ ହୁଏ ଶୁଣି ପ୍ରଭୂ ବାଣୀ
କର୍ମ ଯୋଗ ମୋକ୍ଷ ଜ୍ଞାନ କର୍ଣ୍ଣ ମଧ୍ୟେ ଶୁଣି
ହେ ଦିବ୍ୟାତ୍ମା ହେ ମହାତ୍ମା କରନ୍ତୁ ଆଶିଷ
ପୂର୍ବ ପରି ହସି ଉଠୁ ଏ ଭାରତ ବର୍ଷ
ନିମ୍ନ ଗତି ମାନବକୁ ଉର୍ଦ୍ଧ୍ଵଗତି ଦେଇ
ଜୀବ ମୋକ୍ଷେ ଜ୍ଞାନ ବାବା ଦିଅନ୍ତୁ ଚେତାଇ
ଭାଗବତ ଗୀତାଜ୍ଞାନ ବିଲୁପ୍ତ ହୁଅଇ
ପୁନରୁଦ୍ଧାର କରନ୍ତୁ ବ୍ୟାସଦେବ ହୋଇ
ଏତିକି କରେ ମାଗୁଣି ମିନତି ମୋହର
ଗୋପ ବୃନ୍ଦାବନ ହେଉ ଭୁବନ ଆମର
ଏହିପରି ଉଡୁଥାଉ ତୁମ ଯଶବାନା
ଏତିକି ମାଗୁଣି ମୋର କରନ୍ତୁ ହେ ଘେନା
ଚରଣ ତଳେ ଅଧମ କରୁଛି ପ୍ରଣତି
ଆସ ସାଧୁସନ୍ଥ ଏ ଧାମେ ଭରିଯାଉ ଶାନ୍ତି ll
ବିଳାସିନୀ ପୃଷ୍ଟି
ଭୁବନ, ଢେଙ୍କାନାଳ
