କିଛି ରହିଗଲା ବାକି 

 

ନଳିନୀ ପ୍ରଭା ମିଶ୍ର

ସରି ତ! ନ ଥିଲା ଆମ ବାର୍ତ୍ତାଳାପ 

   ସମୟ କହିଲା ଡାକି

ଅକୁହା କଥା ମୋ ମନ ତଳେ

  ଚାପି କିଛି ରହିଗଲା ବାକି।

ଭାରି ମୂଲ୍ୟ ବାନ ଆମ ପାଇଁ

 ‌ ଥିଲା ମୂହୁର୍ତ୍ତ ର ଉପସ୍ଥିତ

ଅନେକ ଦିନ ର ଅବ୍ୟକ୍ତ

  ବେଦନା ବିନିମୟେ ହେବ ବ୍ୟକ୍ତ।

ସମୟଟା କିନ୍ତୁ ବଡ଼ ନିଦାରୁଣ

  ଅଟକି ସେ ରହିଲା କି?

ସରି ତ! ନ ଥିଲା———-।

ତୁମେ ଆସିଥିଲ ବହୁ ଦିନ

   ପରେ ପ୍ରତି ଶ୍ରୁତି କରି ରକ୍ଷା

ବିଜନ ବେଳାରେ ଆଙ୍କି ହୋଇଥିଲା

  ଆମରି ମିଳନ ରେଖା।

ଶୁଣାଉ ଥିଲା ସେ ଝାଉଁ ବଣ 

  ସ୍ଵର ବେଳା ଭୂମି ଥିଲା ସାକ୍ଷୀ

ସରି ତ! ନ ଥିଲା———-।

ଅକୁହା କଥାଟା ଏମିତି ଯେ ଏକ

  ସହଜରେ ନୁହେଁ କହି

ମରମ ବେଦନା ମନ ତାଳେ

  ଚାପି ନୀରବରେ ହୂଏ ଦହି।

ବିଦାୟୀ ବେଳାର କରୁଣ ମୂହୁର୍ତ୍ତ

  ମାନସରେ ଯାଏ ଲେଖି

ସରି ତ! ନ ଥିଲା———-।

ମୁକୁନ୍ଦ ପୁର, ଆସ୍କା, ଗଞ୍ଜାମ