ରାଇଘର – ନବରଙ୍ଗପୁର ଜିଲା ରାଇଘର ବ୍ଲକ ରେ କିଛି ଦିନ ର ବ୍ୟବଧାନ ପରେ ପୁଣି ଦେଖିବାକୁ ମିଳିଛି ମାଓ ପୋଷ୍ଟର ଓ ବ୍ୟାନର।ନବରଙ୍ଗପୁର ଜିଲ୍ଲା ରାଇଘର ବ୍ଲକର ଦୁଇଟି ଭିନ୍ନ ଭିନ୍ନ ସ୍ଥାନରେ ମାଓ ବ୍ୟାନର ଓ ପୋଷ୍ଟର ମରା ଯାଇଥିବା ଦେଖିବାକୁ ମିଳିଛି ।ରାଇଘର ବ୍ଲକ ଏକ ସୀମାନ୍ତ ତଥା ମାଓ ପ୍ରବଣ ଅଞ୍ଚଳ ହୋଇଥିବା ଯୋଗୁଁ ମାଓବାଦୀ ପକ୍ଷରୁ ବିଭିନ୍ନ ସମୟରେ ପୋଷ୍ଟର ଓ ବ୍ୟାନର ମାରି ନିଜର ଉପସ୍ଥିତି ଜାହିର କରି ଆସୁଥିବା ବେଳେ, ବର୍ତ୍ତମାନ ଜଙ୍ଗଲ କାଟି ସଫା କରୁଥିବା ଜଙ୍ଗଲ ମାଫିଆଙ୍କୁ ଟାର୍ଗେଟ କରି ୪୦ନମ୍ବର ରାଜ୍ୟ ରାଜପଥ ର ଅଳ୍ପ ଦୂର ଯୋଡ଼ିଙ୍ଗା କନ୍ୟା ଆଶ୍ରମ ଛକ, ନିକଟରେ ଲିପ୍ଲେଟ,ବ୍ୟାନର ମାରିଥିବା ବେଳେ , କୁସୁମପୁର ହାଟ ପଦା ନିକଟରେ ମାଓ ବ୍ୟାନର ଓ ପୋଷ୍ଟର ମରା ଯାଇଥିବା ଦେଖିବାକୁ ମିଳିଛି l ଏହି ସବୁ ପୋଷ୍ଟର ଓ ବ୍ୟାନର ଭା. କ. ପା(ମାଓବାଦୀ) ସିତାନନ୍ଦି ଏରିଆ କମିଟି ପକ୍ଷରୁ ଲଗାଯାଇଥିବା ଉଲ୍ଲେଖ କରାଯାଇଛି। ଜଙ୍ଗଲକୁ କାଟି ନଷ୍ଟ କରୁଥିବାକୁ ବିରୋଧ କରିବା ସହ ପ୍ରଶାସନକୁ ଗୁପ୍ତ ସୂଚନା ଦେବା ଓ ପୁରସ୍କାର ପାଇବା ନିତି ନିୟମ ବନ୍ଦ କରିବାକୁ ଚେତାବନୀ ଦେଇଛନ୍ତି l ଛତିଶଗଡ ଗରିଆବନ୍ଦ ଜିଲ୍ଲାର ଧମତାରୀ , କୋଣ୍ଡାଙ୍ଗା ଜିଲ୍ଲାର କେତେକ ମାଓ ଅଞ୍ଚଳ ର ଗାଁ ଗୁଡିକ ସହ କେତେକ ଲୋକଙ୍କର ନାମକୁ ଟାର୍ଗେଟ ରଖି ଜଙ୍ଗଲ କାଟିବା ବନ୍ଦ ସହିତ ଜଙ୍ଗଲ ଜମିକୁ ଛାଡ଼ିବାକୁ ଚେତାବନୀ ଦେଇଛନ୍ତି l ରାଇଘର ପୋଲିସ ବେନର ଓ ପୋଷ୍ଟର କୁ ଜବତ କରିଥିବା ଜଣାପଡିଛି l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ୍
