l l ଧନୁ ସଂକ୍ରାନ୍ତି l l
ପ୍ରତିମା ଶତପଥି
ଏକ ବରଷ ଯେ ଅଟେ ବାରମାସ
ବାରଟି ରାଶି ପ୍ରମାଣ
ଏକ ରାଶିରୁ ଅନ୍ୟ ଏକ ରାଶିକୁ
ସୂର୍ଯ୍ୟଙ୍କର ସଂକ୍ରମଣ ।
ସେହି ରାଶି ନାମ ଅନୁସାରେ
ସଙ୍କରାନ୍ତିର ନାମ ହୁଅଇ
ଧନୁ ରାଶିରେ ସୂର୍ଯ୍ୟଙ୍କ ସଂକ୍ରମଣ
ଧନୁ ସଂକ୍ରାନ୍ତି ବୋଲାଇ ।
ଏହିଦିନ ଶ୍ରୀମନ୍ଦିରରେ ପ୍ରଭୁଙ୍କର
ପହିଲି ଭୋଗ ଆରମ୍ଭ
ଏକ ମାସ ଯାଏଁ ଚାଲେ ଏହି ପର୍ବ
ପ୍ରଭାତୁ ହୁଏ ନୈବେଦ୍ୟ ।
ଲକ୍ଷ୍ମୀ ନାରାୟଣ ହୁଅନ୍ତି ପୂଜନ
ନବ ଗ୍ରହ ପୂଜା ପାନ୍ତି
ସବୁ ଦେବାଦେବୀ ମନ୍ଦିରରେଲୋକେ
ଧନୁ ମୁଆଁ ଭୋଗ ଦ୍ୟନ୍ତି ।
ଧାନ ଚାଷ ସଂକ୍ରାନ୍ତିୟ ପର୍ବ ଯେଣୁ
କୃଷି ଭିତ୍ତିକ ଏ ପର୍ବ
ନୂଆ ଧାନ, ନୁଆ ଆଖୁ ଗୁଡ଼ରେ ଯେ
ମୂଆଁ ହୁଅଇ ପ୍ରସ୍ତୁତ ।
ଖଳାରେ ଚାଷୀଟି ମେରୀ ଟିଏ ପୋତି
ଧାନ ବିଡା ବାନ୍ଧି ଦେଇ
ବରକୋଳି ପତ୍ର, କଦଳୀ ପତ୍ରରେ
ପତାକା ଦିଏ ଉଡ଼ାଇ ।
ମେରୀ ପୂଜାକରି , ଭୋଗ ରାଗ ଦେଇ
ମନରେ ହୁଏ ଆନନ୍ଦ
ପୂରିବ ତାହାର ଶସ୍ୟର ଭଣ୍ଡାର
ଲକ୍ଷ୍ମୀଙ୍କ ସୁଦୟା ହେବ
।ଦ୍ୱାପରରେ କଂସ ଧନୁ ଯାତ୍ରା କରି
କୃଷ୍ଣଙ୍କୁ ଥିଲା ଡ଼କାଇ
ଏବେ ମଧ୍ୟ ଏହି ଦିନ ଧନୁ ଯାତ୍ରା
ପାଳନ ହେଉ ଅଛଇ ।
ପବିତ୍ର ନଦୀରେ ଗାଧୋଇ ପାଧୋଇ
ଦାନ,ଧର୍ମ, ଆଚରନ୍ତି
କ୍ଷୀରି, ଖେଚୁଡ଼ି କୁ ନୈବେଦ୍ୟ କରିଣ
ମନେ ହରଷ ଲଭନ୍ତି ।
ଲୋକ କଥା ଅଛି ଏହି ଦିନ ଲକ୍ଷ୍ମୀ
ବାପଘରୁ ଫେରିଥିଲେ
ଧନୁ ମୁଁଆ ଭାର ନେଇ ସେ ସାଙ୍ଗରେ
ଦେଉଳ କୁ ଆସିଥିଲେ ।
କୁଆଖିଆ, ଜାରକାରେ, ଏକ ମାସ
ଲକ୍ଷ୍ମୀ ନାରାୟଣ ପୂଜା
ପାଳନ କରନ୍ତି ଆନନ୍ଦରେ ଲୋକେ
କରି କେତେ ସାଜସଜ୍ଜା ।
ନିଷ୍ଠାର ସହିତ ଲକ୍ଷ୍ମୀ ନାରାୟଣ
ଏକାଦଶୀ ପାଳିଥାନ୍ତି
ଆତ୍ମୀୟ, ସ୍ୱଜନ, ବନ୍ଧୁ ପରିଜନ
ସମସ୍ତେ ଖୁସି ରହନ୍ତି ।
ଧନୁ ସଂକ୍ରାନ୍ତି ରୁ ଦିନ ଧାନେ ବଢି
ବଢି ବଡ ହୋଇଯାଏ
ଅଧିକାଂଶ ଲୋକ ପାଳନ୍ତି ଏ ପର୍ବ
ପବିତ୍ର ଦିବସ ଟିଏ ।
ଯା ଅଛି ଉତ୍କଳେ, ତା ନାହିଁ ଭୂତଳେ
ଧନ୍ୟତୁ ଓଡିଶା ଭୂଇଁ
ବାର ମାସେ ତେର ପର୍ବ ପାଳିଥାନ୍ତି
ଜଗନ୍ନାଥ ଦେଶ ଏହି.।
ଜିଲ୍ଲା,, ଯାଜପୁର
