ଲାଞ୍ଜିଗଡ଼,୧୭/୧୨(ମନିସ)-ଲାଞ୍ଜିଗଡ଼ ବେଦାନ୍ତ ଲିମିଟେଡ୍ ମୁଖ୍ୟ ଫାଟକ ନିକଟରେ ଦୀର୍ଘ ବର୍ଷ ଧରି ଚା’ ଦୋକାନ କରି ଚଳୁଥିବା ଜଣେ ନେପାଳୀ ବୃଦ୍ଧଙ୍କ ହଠାତ୍ ମୃତ୍ୟୁ ଘଟିଛି ! ତାଙ୍କ ମୃତ୍ୟୁ ସଂପର୍କରେ ଖବର ପାଇ ଲାଞ୍ଜିଗଡ଼ ଥାନାଧିକାରୀ ସତ୍ୟାନନ୍ଦ ପାତ୍ରଙ୍କ ତତ୍ତ୍ବାବଧାନରେ ସବଇନ୍ସପେକ୍ଟର ଭବାନୀଶଙ୍କର ବାଦୀ ସଦଳବଳେ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଥିଲେ ! ମାଜିଷ୍ଟ୍ରେଟ୍ ଦାୟିତ୍ବରେ ଲାଞ୍ଜିଗଡ଼ ତହସିଲଦାର ମୁନୀନ୍ଦ୍ର ହୋନ୍ନାଗାଙ୍କ ଉପସ୍ଥିତିରେ ଶବ ଉଦ୍ଧାର କରାଯିବା ପରେ ଏବଂ ମୃତ ବୃଦ୍ଧଙ୍କ କେହି ଦାବିଦାର ନବାହାରିବାରୁ ପୁଲିସ ଓ ସ୍ଥାନୀୟ ସ୍ବେଚ୍ଛାସେବୀଙ୍କ ସହାୟତାରେ ସମ୍ମାନର ସହ ଦାହସଂସ୍କାର କରାଯାଇଛି ! ସ୍ବେଚ୍ଛାସେବୀ ବାବୁ ଜେନାଙ୍କ ନେତୃତ୍ବରେ ଚନ୍ଦନ ବେହେରା, ବାବୁ ବାଗ, ଚିକୁ, ଟୁନା, ମୁନା, ଧୃବ, ସୁଦର୍ଶନ ପ୍ରମୁଖ ମାନବିକତା ଦେଖାଇ ବୃଦ୍ଧଙ୍କ ଦାହସଂସ୍କାର କାର୍ଯ୍ୟ ତୁଲାଇଥିଲେ ! ଏନେଇ ଲାଞ୍ଜିଗଡ଼ ଥାନାରେ ୟୁଡି କେସ୍ ନଂ ୦୯/୨୦୨୨ ଅନୁଯାୟୀ ଏକ ମାମଲା ରୁଜୁ କରାଯାଇଥିବା ଜଣାପଡ଼ିଛି !
ଲାଞ୍ଜିଗଡ଼ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
