ତେନ୍ତୁଳିଖୁଣ୍ଟି -୦୪/୦୨/୨୩ – ନବରଙ୍ଗପୁର ଜିଲ୍ଲାର ତେନ୍ତୁଳିଖୁଣ୍ଟି ସମେତ ଛଅ ଗୋଟି ବ୍ଲକ ର ୨୪୨ ଟି ଗ୍ରାମ ସର୍ଭେ କରି ମହିଳା ଜନ ସୁରକ୍ଷା ମଞ୍ଚ ନବରଙ୍ଗପୁର ବିଶୁଦ୍ଧ ପାନୀୟ ଜଳ,ପରିମଳ ,ଗ୍ରାମ୍ୟ ସମ୍ବଳ ,ଜଳସେଚନ ସୁବିଧା ,ସାମାଜିକ ସୁରକ୍ଷା ସମସ୍ୟା ଚିହ୍ନଟ କରିଥିଲା। ପର୍ଯ୍ୟାୟ କ୍ରମେ ଏସବୁ ବିଷୟରେ ପଲ୍ଲୀ ସଭା କରି ପଂଚାୟତ ସ୍ତର ରେ ସମସ୍ୟା ସମାଧାନ ପାଇଁ ଚିଠା ପ୍ରସ୍ତାବ ଦେଇଥିଲେ। ପରବର୍ତ୍ତୀ ପର୍ଯ୍ୟାୟରେ ବ୍ଲକ ସ୍ତରରେ ବିଡ଼ିଓ ଙ୍କୁ ଉପରୋକ୍ତ ସମସ୍ୟା ଗ୍ରାମ ୱାରି ଚିଠା ପ୍ରସ୍ତାବ ସମ୍ବଳିତ ଦାବୀ ପତ୍ର ଦେଇଥିଲେ। ଗତକାଲି ଜିଲ୍ଲା ସ୍ତରରେ ଦାବୀ ପତ୍ର ଦେଇଛନ୍ତି ମହିଳା ଜନ ସୁରକ୍ଷା ମଞ୍ଚ ନବରଙ୍ଗପୁର। ଜିଲ୍ଲାପାଳ ଙ୍କ କାର୍ଯ୍ୟାଳୟରେ ଏଥି ନେଇ କିଛି ପଦକ୍ଷେପ ନିଆଯିବ ବୋଲି ଗ୍ରହଣ କରିଥିବା ଅଧିକାରୀ କହିଥିଲେ।
ଗୋବର୍ଦ୍ଧନ ସାହୁ ,ତେନ୍ତୁଳିଖୁଣ୍ଟି
