ତିର୍ତ୍ତୋଲ :- 06/02/23:-ତିର୍ତ୍ତୋଲ ବ୍ଲକ ଇତିହାସରେ ପ୍ରଥମ ଥର ପାଇଁ ଯୁଗ୍ମ ଜନଶୁଣାଣୀ କାର୍ଯ୍ୟକ୍ରମ ରେ ସାହସ୍ରାଧିକ ଲୋକଙ୍କ ରୁଣ୍ଡ ହେବା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଦେଇଛି ! ଯାହାଫଳରେ ତିର୍ତ୍ତୋଲ ପୋଲିସ ମୁତୟନ ହୋଇଥିବା ଦେଖିବାକୁ ମିଳିଛି !ଯେତେ ଲୋକ ଉପସ୍ଥିତ ଥିଲେ ତାହା ମଧ୍ୟରୁ ନବେ ଭାଗ ଲୋକ ଆବାସ ଯୋଜନାରୁ ବଞ୍ଚିତ ହୋଇଥିବାରୁ ଅଭିଯୋଗ ପତ୍ର ଦାଖଲ କରିବାକୁ ଆସିଥିଲେ ! ଖବର ମୁତାବକ ଆଜି ଜଗତସିଂହପୁର ଜିଲ୍ଲାର ତିର୍ତ୍ତୋଲ ବ୍ଲକରେ ଯୁଗ୍ମ ଜନଶୁଣାଣୀ କାର୍ଯ୍ୟକ୍ରମ ରହିଥିଲା ! ଏହି ପରିପ୍ରେକ୍ଷୀରେ ଜିଲ୍ଲାପାଳ ପାରୁଲ ପଟୱାରୀ, ଅତିରିକ୍ତ ଜିଲ୍ଲାପାଳ, ତିର୍ତ୍ତୋଲ ବିଡିଓ ଅଟଳବିହାରୀ ସ୍ୱାଇଁ ସମେତ ବ୍ଲକ, ତହସିଲ,ମେଡିକାଲ ଓ ସମସ୍ତ ବିଭାଗର ବହୁ ପ୍ରଶାସନିକ ଅଧିକାରୀ ଯୋଗଦେଇଥିଲେ ! ନିକଟରେ ତଦନ୍ତ କରାଯାଇଥିବା ଆବାସ ଯୋଜନା ଗୃହ ପାଇଁ 90 ପ୍ରତିଶତ ଲୋକେ ଅଭିଯୋଗ ପତ୍ର ଦାଖଲ କରିଥିବାର ଦେଖିବାକୁ ମିଳିଥିଲା ! ଆହୁରି ଅନେକ ଲୋକ ସମୟ ଅଭାବରୁ ଶୂନ୍ୟ ହୃଦୟରେ ଫେରିଯାଇଥିଲେ ! ତିର୍ତ୍ତୋଲ ବ୍ଲକ ଅଧୀନସ୍ଥ ସମସ୍ତ ପଞ୍ଚାୟତରେ ଆବାସ ଗୃହ ତଦନ୍ତରେ ଅନିୟମିତତା ଓ ହାତଗୁଞ୍ଜା କାରବାର ଯୋଗୁ ବାସ୍ତବ ହିତାଧିକାରୀ ଯୋଜନାରୁ ଊଣା ପଡିଯିବା ସକାଶୁ ଅନେକ ଲୋକ ଅଭିଯୋଗ କରିଥିଲେ, ଜିଲ୍ଲାପାଳ ଙ୍କ ନିକଟରେ ! କିଏ ବାର୍ଦ୍ଧକ୍ୟ ଭତ୍ତା ପାଇଁ ତ କାହାର ରାସନ ମିଳିପାରୁନି, କାହାର ଲାଟିନ ସମସ୍ୟା ତ କାହାର ଘର ଖଣ୍ଡେ ଦରକାର ! ଏତେସବୁ ସମସ୍ୟାର ସମାଧାନ ହୋଇପାରୁନି ଯେ ଜଣାଶୁଣାଣୀର ଆବଶ୍ୟକ ପଡୁଛି ! ପ୍ରଶାସନ ଏହାର ମୂଳ ସମସ୍ୟାକୁ ନବୁଝି କୁମ୍ଭୀର କାନ୍ଦଣା କାନ୍ଦିବା ଦେଖେଇ ହଉଛି ! ଲୋକେ ଜାଣୁଛନ୍ତି ପ୍ରଶାସନ ଆମ ହିତରେ ଅଛି ! ବାସ୍ତବ ବିଷୟ ଏହିଁଯେ ପ୍ରଶାସନ ଭିତରକୁ ରାଜନୀତି ଧସେଇ ପଶିଯାଇଛି ! ଯାହା ଫଳରେ ବିକାଶ ହେବା ଧିମେଇ ଯାଇଛି ! ରାଜନୈତିକ ଦଲାଲ ହାତଗୁଞ୍ଜା ପାଇଁ ଅଦୃଶ୍ୟ ଖେଳ ଖେଳି ଚାଲିଛନ୍ତି ! ଏହାକୁ ପ୍ରଶାସନ ଅତି ଭଲଭାବେ ଜାଣିଛି ! ମାତ୍ର ନିଜର ଚାକିରୀ ବଞ୍ଚେଇବା ପାଇଁ ରାଜନୈତିକ ଦଲାଲ ଙ୍କ ହାତର କଣ୍ଢେଇ ପାଲଟି ଯାଇଛନ୍ତି ! କୋଉ ସମସ୍ୟା ସୁଧାରିବେ ଜିଲ୍ଲାପାଳ ? ଯୁଆଡେ ଦେଖିବ ଦେଖ, ସବୁଠି ଦଲାଲ ଏକ ! ଏକଥା ଆମେ କହୁନୁ ଆଜ୍ଞା ଯୋଜନାରୁ ବଞ୍ଚିତ ଲୋକମାନେ କହୁଛନ୍ତି ! ସବୁରି ଭିତରେ ଦୁଇଜଣ ଭିନ୍ନକ୍ଷମ ବ୍ୟକ୍ତିଙ୍କୁ ହୁଇଲ ସାଇକେଲ ମିଳିଥିବାର ଦେଖା ଯାଇଥିଲା ! ଦେଖିବାକୁ ବାକି ରହିଲା ଯେ ଆଜିର ଏହି ଜନଶୁଣାଣୀ ଶିବିର ଆବାସ ଯୋଜନାରୁ ବଞ୍ଚିତ ହୋଇଥିବା ଲୋକଙ୍କୁ ତାଲିକାଭୁକ୍ତ କରାଉଛି ନା ଆଉ ଗୋଟିଏ ଭିଡ ପାଇଁ ବ୍ଲକ କୁ ପ୍ରସ୍ତୁତ ହେବାକୁ ପଡୁଛି !