ନୂଆପଡା // ନୂଆପଡା ଜିଲ୍ଲା କୋମନା ବ୍ଲକ ଅନ୍ତର୍ଗତ ଅଗ୍ରେନ ଗ୍ରାମଠାରେ ଅବକାରୀ ଅଧିକ୍ଷକ ସଂଘମିତ୍ରା ପ୍ରଧାନଙ୍କ ନିର୍ଦେଶ କ୍ରମେ ଖଡ଼ିଆଳ ଅବକାରୀ ବିଭାଗ ପକ୍ଷରୁ ଚଢ଼ାଉ କରି ବହୁତ ପରିମାଣରେ କଫ ସିରଫ ଜବତ କରିଥିବା ଜଣା ପଡ଼ିଛି । ଅବକାରୀ ବିଭାଗ ପକ୍ଷରୁ ପ୍ରକାଶ ଯେ ଶନିବାର ସକାଳ ସାତ ଘଣ୍ଟା ସମୟରେ ଅଗ୍ରେନ ଗ୍ରାମର ଛକ ଠାରେ ଜଣେ ଯୁବକ ମୁକୁନ୍ଦ ଚରଣ ନାଗ (୩୮) ବାଇକରେ ଲଦି ପ୍ଲାଷ୍ଟିକ ବ୍ୟାଗରେ କିଛି ସାମଗ୍ରୀ ନେଉଥିବା ବେଳେ ସନ୍ଧେହ କରି ଅବକାରୀ ଉପନିରୀକ୍ଷକ ଡମ୍ବରୁଧର ହରିଜନଙ୍କ ନେତୃତ୍ୱରେ ଚଢ଼ାଉ କରି ଯୁବକଙ୍କୁ କାବୁ କରିଥିଲେ । ବ୍ୟାଗକୁ ଖୋଲିଲା ପରେ ୩୦୦ ବୋତଲ କଫ ସିରପ ଷାଠିଏ ଲିଟର ଜବତ କରିଥିଲେ । ଏହି ଚଢ଼ାଉରେ ଏ ଏସ ଆଇ ଧନରାଜ ଦଣ୍ଡସେନା, ହିଙ୍ଗୁଳା ଦାସ, ବୈଜୟନ୍ତି ଶବର, ମୁରଲୀ ଧର ଶବର ପ୍ରମୁଖ । ଯୁବକ ମୁକୁନ୍ଦ ଚରଣ ନାଗଙ୍କୁ କୋର୍ଟ ଚାଲାଣ କରିଥିବା ଅବକାରୀ ଉପନିରୀକ୍ଷକ ଶ୍ରୀ ହରିଜନ ପ୍ରକାଶ କରିଛନ୍ତି ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ