ଓମ୍ ନମଃ ଶିବାୟ
ରଙ୍କନିଧି ସେଠୀ
ନିର୍ଜଳ ଉପାସ କରି କୃତିବାସ
ଭକତେ ଅଛନ୍ତି ଚାହିଁ
କୃପାବାରି ପ୍ରଭୁ ବରଷି ଦିଅ ହେ
ହୃଦେ ଦୟାଭାବ ବହି ll
ଶହେ ଆଠ ବେଲ ପତର ସାଙ୍ଗରେ
ଦୁଦୁରା, ଚମ୍ପା, ଅରଖ
ଶିରେ କନିଅର ସଜେଇ ତୁମର
ପଦ ପୁଜେ ଏ ମୁରୁଖ ll
ଆହେ ମହେଶ୍ୱର ଜଗତ ଈଶ୍ୱର
ଉମାପତି ଗୁଡାକେଶ
ଆଶୁତୋଷ ନାମ ସାକାର କର ହେ
ଦେବ,ଦେବେଶ,ମହେଶ ll
ତୁମେ କାଳଞ୍ଜର ଭବ,ଦିଗମ୍ବର
ମହାକାଳ, ଶୁଳଧର
ଅଧିଶ, ଗିରିଶ ଖୋଚର, ଭୃଙ୍ଗୀଶ
କପାଳ, ଚନ୍ଦ୍ରଶେଖର ll
ଜଟାଧାରୀ, ରୁଦ୍ର ବିଶାଳାକ୍ଷ, ତୀବ୍ର
ମୃତ୍ୟୁଞ୍ଜୟ, ମହେଶ୍ୱର
ଭୋଳାବାବା, ହର ହେ ଭୋଳାଶଙ୍କର
ଶ୍ରୀକଣ୍ଠ, ଧରଣୀଶ୍ୱର ll
ହେ ରାଜାଧିରାଜ ପ୍ରଭୁ ଲିଙ୍ଗରାଜ
ଖଣ୍ଡ, ଆଖଣ୍ଡଳମଣି
ପ୍ରଭୁ ଗଙ୍ଗାଧର ବାବା ଗୁପ୍ତେଶ୍ୱର
ପିନାକୀ, ପିନାକପାଣି ll
ହଳାହଳ ବିଷ ଆକଣ୍ଠ ଭୂତେଶ
ନାମ ତୁମ ନୀଳକଣ୍ଠ
ଆହେ ଜଟାଧାରୀ ହେ ଡମ୍ବରୁଧାରୀ
ମହାନଟ, ସିପିବିଷ୍ଟ ll
ତ୍ରିପୁରାନ୍ତକ ପ୍ରଭୁ ପାର୍ବତୀ ପତି
ଫଣୀଧର, ପଞ୍ଚାନନ
କାଶୀନାଥ, ବୀର ନନ୍ଦୀଭୃଙ୍ଗୀଶ୍ୱର
ନଟରାଜ, ତ୍ରିଲୋଚନ ll
ପବିତ୍ର ଦିବସେ ନିବେଦନ କରେ
ଦୟାକର ଆଶୁତୋଷ
ସର୍ବ ପାପ ନାଶ କର ହେ ବିଶ୍ୱେଶ
ବରଷୁ ଥାଉ ଆଶିଷ ll
ରାଉରକେଲା
