କୋକସରା,୧୦/୩- କଳାହାଣ୍ଡି ଜିଲ୍ଲା କୋକସରା ବ୍ଲକ ଖୁଣ୍ଟିଆ ପଞ୍ଚାୟତ ଖୁଣ୍ଟିଆ ଗ୍ରାମର ଜଣେ ଯୁବକ ଦେବାନନ୍ଦ ପୁଝାରି ଆଜିକୁ ୨ ମାସ ତଳେ ଦାଦନ ଖଟିବାକୁ ହାଇଦ୍ରାବାଦ ଯାଇଥିଲେ । ଗୁରୁବାର ସନ୍ଧ୍ୟାରେ ହାଇଦ୍ରାବାଦ ନିକଟରେ ଥିବା ଟ୍ରେନ ଲାଇନରେ ଯୁବକର କ୍ଷତାକ୍ତ ଶବ ପଡି ରହିଥିବା ନେଇ ସେଠିକାର ଜିଆରପି ପୁଲିସ ନିକଟରେ ଖବର ପହଞ୍ଚିବା ପରେ ଜିଆରପି ପୁଲିସ ଶବ ଜବତ କରିଥିବା ଜଣାପଡିଛି। ମୃତ ଯୁବକ ନିକଟରେ ଥିବା ଆଧାର ଓ ପାନ କାର୍ଡରୁ ପରିଚୟ ପାଇ ପରିବାରକୁ ଫୋନ ଯୋଗେ ସୁଚନା ଦେଇଥିଲେ ଜିଆରପି ପୋଲିସ। ଯୁବକ ଜଣକ ହେଉଛନ୍ତି କଳାହାଣ୍ଡି ଜିଲ୍ଲା କୋକସରା ବ୍ଲକ ଖୁଣ୍ଟିଆ ଗ୍ରାମର ଦେବାନନ୍ଦ ପୁଝାରି ବୟସ ୨୭ ବୋଳି ଜଣାପଡିଛି। ତେବେ କେଉଁ ପରିସ୍ଥିତିରେ ଯୁବକର ମୃତ୍ୟୁ ହୋଇଛି ତାହା ଅସ୍ପଷ୍ଟ ରହିଛି। ଜୁଆନ ପୁଅର ମୃତ ଖବର ଶୁଣି ପରିବାର ଲୋକେ ଦୁଃଖରେ ଭାଙ୍ଗି ପଡିଛନ୍ତି। ତେବେ ଖବର ମିଳିବା ପରେ ପରିବାର ଲୋକେ ଶବ ଚିହ୍ନଟ ଓ ଆଣିବାକୁ ହାଇଦ୍ରାବାଦ ଯାଇଥିବା ଜଣାପଡିଛି।
previous post