କୋକସରା,୨୧/୩ -ରାଜ୍ୟ ସ୍ତରୀୟ ୧୭ ବର୍ଷରୁ କମ ଭଳିବଲ ଚାମ୍ପିୟନସିପ ୨୦୨୨-୨୩ ରେ କଳାହାଣ୍ଡି ଜିଲ୍ଲାର ବିଭିନ୍ନ ହାଇସ୍କୁଲରୁ ୧୨ ଜଣ ଛାତ୍ର ୧୭ ବର୍ଷରୁ କମ ଭଳିବଲ ଚାମ୍ପିୟନସିପ ପାଇଁ ମନୋନୀତ ହୋଇଥିବା ବେଳେ କୋକସରା ବ୍ଲକ ସଦର ଜବାହାର ସରକାରୀ ଉଚ୍ଚ ବିଦ୍ୟାଳୟର ୩ ଜଣ ଛାତ୍ର ମନୋନୀତ ହୋଇଛନ୍ତି। 
ସେମାନେ ହେଲେ ଚନ୍ଦନ ବାଗ, ଯୁଗନ୍ତ ନିଆଲ ଓ ନେତ୍ରାନନ୍ଦ ବାଗ ଏହି ଛାତ୍ର ମାନେ ଆସନ୍ତା ୨୬ ରୁ ୨୮ ତାରିଖରେ କୃଷ୍ଣ ପ୍ରସାଦ ହାଇସ୍କୁଲ ପୁରୀ ଠାରେ ଅନୁଷ୍ଠିତ ପ୍ରତିଯୋଗିତାରେ ଅଂଶଗ୍ରହଣ କରିବେ। ଜବାହାର ସରକାରୀ ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ଅମିତ କୁମାର ମହାନ୍ତିଙ୍କ ପ୍ରଶିକ୍ଷଣରେ ସ୍କୁଲର ୩ ଛାତ୍ର ଭଳିବଲ ଚାମ୍ପିୟନସିପ ଖେଳିବାର ସୁଯୋଗ ପାଇଛନ୍ତି। ଷ୍ଟେଟ ଅଫିସିଆଲ ଭାବେ କ୍ରୀଡା ଶିକ୍ଷକ ଅମିତ କୁମାର ମହାନ୍ତି ଯୋଗ ଦେବେ । ଏନେଇ ରାଜ୍ୟ ମାଧ୍ୟମିକ ଶିକ୍ଷା ବିଭାଗ ପକ୍ଷରୁ ଜାରି ହୋଇଥିବା ବିଜ୍ଞପ୍ତିରୁ ଜଣାପଡିଛି। ସ୍କୁଲର ଛାତ୍ରଙ୍କ ସଫଳତା ପାଇଁ ପ୍ରଧାନ ଶିକ୍ଷକ ସୁଧୀର କୁମାର ପଣ୍ଡା ସମେତ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ ଓ ଛାତ୍ରଛାତ୍ରୀ ମାନେ ଶୁଭେଚ୍ଛା ଜଣାଇଛନ୍ତି।
ମସିହା ନିଉଜ ସର୍ଭିସ୍
