ନୂଆପଡା ଜିଲ୍ଲା ଖଡ଼ିଆଳ ଅଞ୍ଚଳରେ ମୋଟର ସାଇକେଲ ଚୋରି ହେଉଥିବା ନିତିଦିନିଆ ଘଟଣାରରେ ପରିଣତ ହେଉଥିବା ବେଳେ ଜଣେ ମୋଟର ସାଇକେଲ ଚୋରକୁ ଧରି ଦୁଇଟି ମୋଟର ସାଇକେଲ ଉଦ୍ଧାର କରିବା ସହିତ ଜଣେ ବ୍ୟକ୍ତିଙ୍କୁ କୋର୍ଟ ଚାଲାଣ କରାଯାଇଛି । ଖଡ଼ିଆଳ ପୁଲିସ ସୂତ୍ରରୁ ପ୍ରକାଶ ଯେ ଗତ ଫେବୃଆରୀ ୨୩ ତାରିଖ ରାତ୍ରିରେ ତିରୁପତି ହାର୍ଡୱେର ଦୋକାନ ସମ୍ମୁଖରୁ ମୋଟର ସାଇକେଲ ଏଚଏଫ ଡିଲକ୍ସ ଓ ଡି ୨୬ ଇ ୮୯୩୦ ମୋଟର ସାଇକେଲ ଚୋରି ହୋଇ ଯାଇଥିଲା । ଏନେଇ ଖଡ଼ିଆଳ ଥାନାରେ ପରେଶ୍ୱର ମାଝୀ ଅଭିଯୋଗ କରିଥିଲେ । ସେହିପରି ଫେବ୍ରୁଆରୀ ୨୭ ତାରିଖରେ ଖଡ଼ିଆଳ ଭଣ୍ଡାରୀ ଛକ ଠାରୁ ଆଇନଜୀବୀ ଶଙ୍କର ପଣ୍ଡାଙ୍କ ପଲସର ଓ ଆର ୨୬ ଏ ୧୭୮୦ ମୋଟର ସାଇକେଲ ଚୋରି ହୋଇଯାଇଥିଲା । ଅଭିଯୋଗ ପରେ ଖଡ଼ିଆଳ ପୁଲିସ ଏସ ଆଇ ଦୁର୍ଗା ପ୍ରଶଦ ସାହୁ ତଦନ୍ତ ଆରମ୍ଭ କରିଥିଲେ ଓ ଅଜୟ ତାଣ୍ଡି, ଗ୍ରାମ ଦମାପଳା କୁ ଅଟକ ରଖି ପଚରାଉଚରା କାଳ ପରେ ଏଚ ଏଫ ଡିଲକ୍ସକୁ ନିଜେ ବ୍ୟବହାର କରୁଥିବା ବେଳେ ପୁଲସର କୁ ଅଭିନାଶ ପଣ୍ଡା, ଚିନ୍ଦ।ଗୁଡା ଙ୍କ ଠାରେ ଏକ ହଜାର ଟଙ୍କାରେ ବିକ୍ରି କରି ଦେଇଥିଲେ । ଏନେଇ କେଶ ନ ୪୧/୨୨ ମାମଲା ରୁଜୁ କରି ମୋଟର ସାଇକେଲ କିଣିଥିବା ବ୍ୟକ୍ତିଙ୍କୁ ନୋଟିସ ଦେଇ ଛାଡିଥିବା ବେଳେ ଚୋରିରେ ସମ୍ପୃକ୍ତ ଥିବା ଅଜୟ ତାଣ୍ଡିଙ୍କୁ କେଶ ନଂ ୭୨/୨୨ ରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ।ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
previous post