ରାୟଗଡ:-11/05-ରାୟଗଡ ଉପଖଣ୍ଡରେ ସଡ଼କ ସୁରକ୍ଷା ଓ ଆଇନ ଶୃଙ୍ଖଳା ଉପରେ ଦୃଢ଼ କାର୍ଯ୍ୟାନୁଷ୍ଠାନ ନିମନ୍ତେ ପ୍ରଶାସନର ବିଭିନ୍ନ ବିଭାଗୀୟ ଅଧିକାରୀ ଓ ପୋଲିସ ବିଭାଗର ସମନ୍ୱୟ ବୈଠକ ଗତ ତା 11/05/23ରିଖ ଦିନ ସ୍ଥାନୀୟ ଉପଜିଲ୍ଲାପାଳ, ରାୟଗଡଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଥିଲା l ଉପଜିଲ୍ଲାପାଳ ଭୀମସେନ ଶବରଙ୍କ ଅଧକ୍ଷତରେ ଅନୁଷ୍ଠିତ ହୋଇଥିବା ବୈଠକରେ ପ୍ରକଳ୍ପ ପ୍ରଶାସକ ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା, ରାୟଗଡ ଦିଲ୍ଲୀପ କୁମାର ବେହେରା, ଉପଖଣ୍ଡ ପୋଲିସ ଅଧିକାରୀ ଦେବଜ୍ୟୋତି ଦାସ ଯୋଗଦାନ କରି ଆଲୋଚନା କରିଥିଲେ l ବିଶେଷ କରି ଆଇନ ଶୃଙ୍ଖଳା ପରିସ୍ଥିତି, ସଡ଼କ ସୁରକ୍ଷା ଏବଂ ସିଏସଆର ଦାୟିତ୍ୱ ଉପରେ ବିସ୍ତୃତ ଭାବରେ ଆଲୋଚନା କରିଥିଲେ l ସଡ଼କ ଦୁର୍ଘଟଣା ଯୋଗୁଁ ଧନଜୀବନ ବହୁତ କ୍ଷତି ହେଉଥିବାରୁ ଏଥିନିମନ୍ତେ ଦୃଢ଼ ପଦ୍ଦକ୍ଷେପ ନେବାକୁ ବୈଠକରେ ଆଲୋଚନା କରାଇଥିଲା l ଉପଖଣ୍ଡ ପୋଲିସ ଅଧିକାରୀ ଶ୍ରୀ ଦାସ ଏଥିନିମନ୍ତେ ବିସ୍ତୃତ ଭାବରେ କାର୍ଯ୍ୟକ୍ରମ ଗୁଡିକ କାର୍ଯ୍ୟକାରୀ କରିବାକୁ ଉପସ୍ଥାପନା କରିଥିଲେ l
ରାୟଗଡ଼ ସହର ଭିତରକୁ ଭାରୀଯାନ ଗୁଡିକ ପ୍ରବେଶ ପାଇଁ ଅନୁମତି ଦିଆଯିବ ନାହିଁ l ସାଇ ଇଣ୍ଟେରନାସିନlଲ ଛକ ଦେଇ ସିରିକଣା ବଡ଼ ଗାଡି ସବୁ ଯିବାଆସିବା କରିବେ l ପୋଲିସ ବିଭାଗ ତରଫରୁ ଯଥେଷ୍ଟ ସାଇନ ବୋର୍ଡ ଲଗାଇବେ l ସ୍ୱତନ୍ତ୍ର ଉଛେଦ ପ୍ରକ୍ରିୟାରେ ରାସ୍ତା କଡ ଜବରଦଖଲ ଉଛେଦ କରାଯିବ l ଏଥିନିମନ୍ତେ ପୋଲିସ, ପୈର ପରିଷଦ, ତହସିଲଦାର ଓ ଆଇଆଇସି ଟାଉନ ଥାନାର ସହାୟତା ନିଆଯିବ l ଦ୍ରୁତ ଓ ବେପାରୁଆ ଗାଡି ଚାଳକଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିମନ୍ତେ ଆଂଚିଲିକ ଗାଡି ପରିବହନ ଅଧିକାରୀ ରାୟଗଡ଼ଙ୍କୁ ଅନୁରୋଧ କରାଯାଇଥିଲା l ସହରର ଦୁର୍ଘଟଣା କମ କରିବା ନିମନ୍ତେ ରାସ୍ତାକଡ଼ରେ ସାଇନ ବୋର୍ଡ, ସିଗ୍ନାଲ ଆଦି ଦେବା ସହିତ ଆମ୍ବଗୁଡା, ଗଜପତି ଛକ, ହନୁମାନ ମନ୍ଦିର, ତୁମ୍ବିଗୁଡା ଛକ ଓ ହୋଣ୍ଡା ଶୋ ରୁମ ଛକରେ ସିଲିଙ୍ଗ, ରିଲିଙ୍ଗ ବ୍ୟସ୍ଥା କରିବାକୁ ଜାତୀୟ ରାଜପଥ କର୍ତ୍ତ୍ତୃପକ୍ଷକୁ ନିର୍ଦେଶ ଦିଆଯାଇଥିଲା l ପ୍ରତ୍ୟେକ ସ୍ଥରରେ ବ୍ୟାପକ ଜନ ସଚେତନତା ସୃଷ୍ଟି କରିବା,କଡା କଡ଼ି ଯାଞ୍ଚ କରିବା, ସଡ଼କ ନିର୍ମlଣ କାର୍ଯ୍ୟକୁ କଡାକଡି ଭାବେ ଯାଞ୍ଚ କରିବା ଆଦି ଉପରେ ଆଲୋଚନା କରିଥିଲେ l କଡାକଡି ଯାଞ୍ଚ ବେଳେ ମଦ୍ୟପ ଗାଡି ଚାଳକ ପ୍ରମାଣିତ ହେଲେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ଓ ପ୍ରସିଡ଼ିଙ୍ଗ କରାଯିବା ସହିତ 24ଘଣ୍ଟା ମଧ୍ୟରେ କେଶ ଫୋରୱାର୍ଡ କରାଯିବ l ବିଦ୍ୟାଳୟ ଓ ବିଭିନ୍ନ ଅନୁଷ୍ଠାନ ତରଫରୁ ବ୍ୟାପକ ସଚେତନତା l ରାସ୍ତାରେ ସାଇନିଙ୍ଗ ବୋର୍ଡ ଠିକ ଭାବରେ ଲଗାଯିବା, ଗାଡ଼ିଚାଳକଙ୍କ ଦ୍ରୁତଗତି ଆୟୋତ କରିବା ନେଇ ରାସ୍ତା ଓ କୋଠାବାଡି, ଜାତୀୟ ରାଜପଥ ଆଦିକୁ ନିର୍ଦେଶ ଦେଇଥିଲେ l ଏହାସହିତ ସିଏସଆର କାର୍ଯ୍ୟକ୍ରମକୁ ମଧ୍ୟ୍ୟ ଏହି ସବୁ କ୍ଷେତ୍ରରେ ସାମିଲ ହେବା ନିମନ୍ତେ ବିଭିନ୍ନ କର୍ପୋରେଟର ଯଥା ଉତ୍କଳ ଆଳୁମନା,ଜେକେ କାଗଜ କଳ ଏବଂ ଇମ୍ଫା ଥେରୁବାଲିକୁ ଅନୁରୋଧ କରାଯାଇଛି l
ଏହି ବୈଠକରେ ଆଂଚଲିକ ପରିବହନ ଅଧିକାରୀ, ରାୟଗଡ, ବିଡିଓ, କୋଲନର, ରାୟାଗଡ଼, କଲ୍ୟାଣ ସିଂପୁର, ଜିଲ୍ଲା ମଂଗଳ ଅଧିକାରୀ, ଅନ୍ୟାନ୍ୟ ଜିଲ୍ଲାସ୍ଥରୀୟ ଅଧିକାରୀ, ଶିଳ୍ପ ସଂସ୍ଥାର ଲୋକସମ୍ପର୍କ ଅଧିକାରୀ, ଉପଖଣ୍ଡ ସ୍ଥରୀୟ ଅଧିକାରୀ ଯୋଗଦାନ କରିଥିଲେ l
ରାୟଗଡା ରୁ ଗୌରୀ ପଟ୍ଟନାୟକ ଙ୍କ ରିପୋର୍ଟ୍
