କାମାକ୍ଷାନଗର -(ମନିସ )6/7/23 // ଢେଙ୍କାନାଳ ଜିଲ୍ଲା କାମାକ୍ଷାନଗର ନିର୍ବାଚନ ମଣ୍ଡଳୀର ଭୁବନବ୍ଲକ ଅନ୍ତର୍ଗତ ନୟା ନୀଳକଣ୍ଠପୁର ଗ୍ରାମରେ ଭାଜପାର ୯ ବର୍ଷ ପୂର୍ତ୍ତି ଅବସରରେ ଗରିବ କଲ୍ୟାଣ ସମାବେଶ ଅନୁଷ୍ଠିତ ହୋଇଯାଇଛି । ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶତ୍ରୁଘନ ଜେନାଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଭୂତିଭୂଷଣ ପ୍ରଧାନ ପ୍ରମୁଖ ଉପସ୍ଥିତ ଥିଲେ । ଦେଶରେ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ବିକାଶର ଧାରା ତ୍ୱରାନ୍ବିତ ହୋଇଛି । ଗରିବ,ନିରୀହ ଲୋକଙ୍କ ପାଇଁ ଅନେକ ଜନହିତକର କାର୍ଯ୍ୟ କେନ୍ଦ୍ରସରକାର ହାତକୁ ନେଇଛନ୍ତି । ଦେଶର ବିକାଶରେ ମୋଦିଙ୍କ ଅବଦାନ ଅତୁଳନୀୟ, ପ୍ରଶଂସନୀୟ । ଯାହା ମୋଦିଙ୍କ ହାତ ମୁଠାକୁ ସଶକ୍ତ କରିବା ସହ ରାଜ୍ୟରେ ବିଜେପି ସରକାର ଗଠନ ପାଇଁ ସମସ୍ତଙ୍କ ସହଯୋଗ ଲୋଡ଼ା ହୋଇଥିବାଶ୍ରୀ ପ୍ରଧାନ କହିଛନ୍ତି । ଆଜିର ଆଧୁନିକ ସମାଜରେ ଡିଜିଟାଲ ଇଣ୍ଡିଆ ଗଠନ ଏବଂ ଆଦିବାସୀ ଅଧ୍ୟୁଷିତ ଅଞ୍ଚଳରେ ଆଦିବାସୀଙ୍କ ପ୍ରତି ବିଭିନ୍ନ ଯୋଜନା ସମ୍ପର୍କରେ ସେ ଆଲୋକପାତ କରିଥିଲେ । ଏଥିସହିତ ଭୁବନ ରେଲୱେ ଷ୍ଟେସନରେ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ର ଅତୁଳନୀୟ ଅବଦାନକୁ ନେଇ ଆଲୋଚନା କରାଯାଇଥିଲା । ଆଗାମୀଦିନରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନେତୃତ୍ୱରେ ଓଡ଼ିଶାରେ ଭାଜପାକୁ ସୁଦୃଢ କରିବାକୁ ବରିଷ୍ଠ ଜିଲ୍ଲା ଉପସଭାପତି ମାତୃପ୍ରସାଦ ନନ୍ଦ, ପ୍ରେମାନନ୍ଦ ଜେନା ,ଶତ୍ରୁଙ୍ଘନ ଜେନା, ଭୁବନ ମଣ୍ଡଳ ସଭାପତି ଚୈତନ ବେହେରା,ସଂଯୋଜକ ବକ୍ତବ୍ୟ ରଖିଥିଲେ l ସେହିଭଳି ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଭୁତି ଭୂଷଣ ପ୍ରଧାନ ସମାନ ଢଙ୍ଗରେ ନିଜ ନିଜର ବକ୍ତବ୍ୟ ରଖିଥିଲେ। ଏହି ଅବସରରେ ଆଖପାଖ ଅଞ୍ଚଳରୁ ହଜାର ହଜାର ସଂଖ୍ୟକ ବିଜେପିକର୍ମୀ ଉପସ୍ଥିତଥିଲେ ।
previous post